Вечарам 18 ліпеня на традыцыйным Рэйнскім кірмашы ў нямецкім горадзе Дзюсельдорф адбыўся выбух піратэхнічнага вырабу. Паводле інфармацыі паліцыі, у выніку здарэння пацярпелі 19 чалавек, сярод якіх — як мінімум адно дзіця, піша Bild.
Папярэдне паведамляецца, што падчас феерверку адна з ракет адхілілася ад курсу, паляцела ў бок людзей і выбухнула каля зямлі. Некаторыя сведкі чулі нават два выбухі.
На месца інцыдэнту хутка прыбылі ратавальнікі, пажарнікі і паліцыя. Усе пацярпелыя былі дастаўлены ў бальніцу. Паліцыя разглядае гэта як няшчасны выпадак.
Арганізатары вырашылі спыніць кірмаш раней, чым планавалася. Цяпер разглядаецца магчымасць адмяніць феерверкі на кірмашы наступнага года.
Рэйнскі кірмаш з'яўляецца адным з найбуйнейшых народных святаў у Еўропе і праводзіцца штогод у ліпені з 1901 года. Звычайна ён доўжыцца каля дзесяці дзён і ўключае атракцыёны, піўныя павільёны, шэсці і феерверкі.
Цяпер чытаюць
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары