Паміж Трампам і Мелоні адбылася доўгая размова, калі яны сядзелі побач на вячэры лідараў у Каралеўскім палацы ў Гаазе.
Прэм’ер-міністр Італіі Джорджа Мелоні заявіла, што рашучасць, якую Злучаныя Штаты Амерыкі прадэманстравалі адносна вайны паміж Іранам і Ізраілем, павінна быць праяўлена наконт Украіны і Газы. Такую заяву яна зрабіла падчас зносін з прадстаўнікамі прэсы пасля саміту НАТА, паведамляе УНІАН.
«Я сказала прэзідэнту Дональду Трампу і заявіла на саміце, што такая ж рашучасць, якая была прадэманстравана ў вайне паміж Ізраілем і Іранам, павінна быць выкарыстана і для дзвюх іншых дамоўленасцяў аб спыненні агню — ва Украіне і ў Газе», — падкрэсліла Мелоні.
Італьянская прэм’ер таксама дадала, што сітуацыя ў сектары Газы з’яўляецца нестабільнай.
Паміж Трампам і Мелоні адбылася доўгая размова, калі яны сядзелі побач на вячэры лідараў у Каралеўскім палацы ў Гаазе.
Паводле даных крыніц, палітыкі гаварылі пра асноўныя міжнародныя пытанні, уключаючы апошнія падзеі на Блізкім Усходзе.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары
Няўжо яна прапануе рашуча бамбіць Кіеў?) Ці яна не бача розніцу паміж РФ і Іранам?
Такія рэчы не забываюцца.