Мінчук запрасіў у госці траіх дзяўчат — прапалі 300 даляраў і 2600 рублёў
Мужчына напярэдадні ў інтэрнэце пазнаёміўся з трыма дзяўчынамі і запрасіў іх да сябе ў кватэру, каб правесці час з выпіўкай.
У пэўны момант дзяўчыны пачалі паводзіць сябе шумна, і мужчына прапанаваў пакінуць кватэру.
Пасля іх сыходу мужчына выявіў знікненне 300 даляраў, а калі пачаў пералічваць іншыя зберажэнні, то зразумеў, што не хапае яшчэ 2600 рублёў.
Эксперт, што прыехаў на месца здарэння, на стале выявіў сляды рук, паведамляе Дзяржаўны камітэт судовых экспертыз.
Падчас праверкі было ўстаноўлена супадзенне з нядаўнімі гасцямі. У хуткім часе ўсіх траіх падазраваных знайшлі і затрымалі супрацоўнікі міліцыі. Яны прызналіся ў здзяйсненні злачынства. Заведзена крымінальная справа па артыкуле «крадзеж».
Цяпер чытаюць
Маладую бібліятэкарку з Горак асудзілі за пратэсты3
Каментары