МЗС Ізраіля апублікавала фота шведскай актывісткі Грэты Тунберг, якую дэпартуюць з краіны. Яна ляціць на самалёце ў Швецыю, паведамілі ў ведамстве.
Тунберг доўгі час прынцыпова не лятала на самалётах, лічачы, што яны наносяць вялікую шкоду экалогіі. Для сваіх паездак яна выкарыстоўвала караблі і цягнікі.
Грэта плыла на яхце разам з прапалесцінскімі актывістамі з Італіі ў Газу з гуманітарнай місіяй. Яхту перахапіла ізраільская ахова, затрымала ўсіх актывістаў і перавезла ў аэрапорт «Бэн-Гурыён» для дэпартацыі.
«У той час як Грэта і іншыя спрабавалі зладзіць медыйную правакацыю, адзінай мэтай якой было прыцягненне ўвагі грамадскасці, і якая ўключала менш за адзін грузавік гуманітарнай дапамогі, за апошнія два тыдні ў Газу з Ізраіля прыбыло больш за 1200 грузавікоў з гуманітарнай дапамогай. Акрамя таго, Гуманітарны фонд Газы раздаў каля 11 мільёнаў порцый ежы непасрэдна мірным жыхарам у Газе», — гаварылася раней у паведамленні МЗС Ізраіля.
«Ёсць спосабы дастаўкі гуманітарнай дапамогі ў сектар Газа, якія не ўключаюць сэлфі ў інстаграме», — дадалі ў ведамстве і паабяцалі перадаць «нязначную колькасць гуманітарнай дапамогі» з судна актывістаў у Газу па гуманітарных каналах.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары3
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары