Дзяржаўныя каналы Беларусі выдаюць сутычкі ў Лос-Анджэлесе за «разгон мітынгоўцаў»
У Лос-Анджэлесе сілавікоў вывелі на вуліцы для барацьбы з радыкальнымі пратэстамі супраць дэпартацыі нелегальных мігрантаў. Адміністрацыя Трампа скарысталася з нагоды, каб падкрэсліць мяккацеласць дэмакратаў у пытанні барацьбы з нелегаламі.
«У Лос-Анджэлесе працягваюцца сутыкненні мітынгоўцаў і сілавікоў Трампа, — піша канал «Белорусскій фронт», які вядзецца ідэолагамі сілаў спецаперацый Мінабароны Беларусі.
— Нехта зняў, як мужыка прэсавалі дэмакратычнымі коньмі і атаварылі па галаве дэмакратычнымі палкамі. Дарэчы, выгляд у тамтэйшых паліцэйскіх нейкі разгублены і зусім не такі, як у галівудскіх баевіках», — іранізуе канал.
А «Жоўтыя злівы» — канал памыйнай інфармацыі, створаны для ачарнення палітычных праціўнікаў, акцэнтуе, што ў Лос-Анджэлесе «мітынгуюць за грошы».
Нагадаем, што гэта быў улюбёны прыём расійскай і лукашэнкаўскай прапаганды. Яны сцвярджалі, што за грошы людзі выходзілі на майданы ва Украіне, а ў 2020 годзе — на пратэсты ў Беларусі. Распаўсюджваліся нават ілжывыя прэйскуранты.
У Лос-Анджэлесе сілавікоў вывелі на вуліцы для барацьбы з пратэстамі супраць выдварэння нелегальных мігрантаў. Прычым гэтыя пратэсты не мелі вялікага маштабу і не ўяўлялі значнай пагрозы грамадскаму парадку. Адміністрацыя Дональда Трампа проста скарысталася з іх нагоды, каб прыцягнуць увагу да тэмы, якая стала яе каньком — змагання з наплывам мігрантаў, якія прабіваюцца ў Штаты, шукаючы лепшай долі.
Тонкасць у тым, што Каліфорнія — бастыён Дэмакратычнай партыі, якая займае па тэме мігрантаў мяккія пазіцыі. Вывеўшы Нацгвардыю на вуліцы без запыту пра тое ўладаў штата, трампісты хочуць чарговы раз падкрэсліць гэтую мяккацеласць дэмакратаў.
У адказ губернатар Каліфорніі Гэвін Ньюсам — а ён яшчэ і патэнцыйны кандыдат ад дэмакратаў на прэзідэнцкіх выбарах 2028 года — запатрабаваў вывесці Нацыянальную гвардыю з Лос-Анджэлеса.
«У нас не было праблем, пакуль не ўмяшаўся Трамп», — заявіў Ньюсам. Ён назваў загад Трампа незаконным.
Гэта першы выпадак за апошнія дзесяцігоддзі, калі прэзідэнт ЗША вывеў Нацыянальную гвардыю на вуліцы без запыту ці згоды штата.
Іронія ў тым, што лукашэнкаўцы актыўна спрыялі нелегальнай міграцыі ў краіны Еўрасаюза — прынамсі, іх у тым вінавацілі ўлады Польшчы і Літвы. Але падзеі ў Лос-Анджэлесе ненаедная прапаганда спрабуе вывернуць на сваю карысць.
Цяпер чытаюць
Што Бабарыка і Калеснікава адказалі на пытанні пра вайну93
Каментары
Іньшая справа што паліцыянтаў ніхто не абдымае са сьлязамі любові, боты не здымае, не поўзае перад німі і не дорыць кветкі
Умора))