Падчас аперацыі «Павуцінне» па знішчэнні стратэгічнай авіяцыі Расіі выкарыстоўвалася выключна ўкраінская зброя. Пра гэта распавёў прэзідэнт Уладзімір Зяленскі ў праграме This Week, паведамляе РБК-Украіна.
Па словах прэзідэнта, гэта было ягоным жаданнем, каб падчас атакі на расійскія аэрадромы не выкарыстоўвалася абсталяванне, прадастаўленае саюзнікамі Украіны.
«Я вельмі хацеў, каб мы выкарыстоўвалі толькі тое, што вырабляем самі, і каб размежаванне было вельмі выразным», — патлумачыў Зяленскі.
Як вядома, у выніку аперацыі «Павуціна» было пашкоджана каля траціны расійскага флоту стратэгічных бамбардзіроўшчыкаў. Для аперацыі выкарыстоўвалі FPV-дроны, якія таемна дастаўлялі грузавікамі да расійскіх аэрадромаў.
Аперацыя «Павуцінне»
У першы дзень чэрвеня Служба бяспекі Украіны атакавала дронамі адразу чатыры расійскія аэрадромы стратэгічнай авіяцыі — «Белая», «Дзягілева», «Аленья» і «Іванава». Гэтая гістарычная і беспрэцэдэнтная аперацыя атрымала назву «Павуціна». Яе рыхтавалі паўтара года.
Паводле афіцыйных звестак, у ходзе аперацыі ўдалося паразіць прынамсі 41 стратэгічны самалёт РФ, у тым ліку Ту-95, Ту-22М3 і А-50. Страты для Расіі ацэньваюцца прыкладна ў 7 мільярдаў даляраў.
Пасля аперацыі «Павуцінне» расіяне змаглі задзейнічаць для атакі на Украіну толькі 7 бортаў стратэгічнай авіяцыі, з якіх выпусцілі 36 ракет Х-101.
-
«Жыццёвы цыкл штурмавіка — 12 дзён». Z-блогер шчыра прызнаўся, чаму не падпісвае кантракт з Мінабароны
-
Падчас атакі Расіі над захадам Украіны лёталі кітайскія спадарожнікі, якія лічаць разведвальнымі
-
Пад Кіевам «мабілізавалі» ката. Вайсковец хацеў падарыць дзіцяці ката з прытулку, але забраў на вуліцы чужога
Каментары