Сцяпан Пуціла: Мяне спрабавалі выкрасці з дапамогай пасольства Беларусі ў Варшаве
Стваральнік медыяпраекта «Нехта» Сцяпан Пуціла ў новым выпуску ТОКу расказаў пра пагрозы ў свой адрас.
Па словах Сцяпана Пуцілы, пагрозы ў свой адрас ён атрымліваў яшчэ да 2020-га года. У 2019-м годзе нагодай для такіх пагроз былі злівы з сілавых ведамстваў.
«Пагражалі самымі рознымі шляхамі. Найбуйнейшыя былі ў 20-м годзе. Што выбухне наш офіс. Нават паліцыя спраўдзіла гэта паведамленне і пачала ахову офіса. То-бок яны верыфікавалі, пацвердзілі гэта», — згадвае Пуціла.
Па словах рэдактара «Нехта», у базе даносаў у КДБ ёсць ліст, у якім невядомыя прапаноўвалі КДБ дапамогу ў яго выкраданні «за нейкую шалёную суму»:
«Не памятаю за колькі. 150, напрыклад, тысяч даляраў. І падвязуць пад мяжу, дзе перададуць Беларусі. Тады ж яшчэ не было гэтых высокіх платоў на межах».
Сцяпан выказвае ўдзячнасць крыніцам інфармацыі за папярэджанні аб пагрозах. Шмат што з атрыманага было перададзена польскім сілавым структурам, якія займаліся верыфікацыяй інфармацыі.
Спробы выкрадання, як сцвярджае Пуціла, былі «ў тым ліку і з удзелам (…) беларускага пасольства тут, у Варшаве», «пра што зараз пакуль нельга распавядаць публічна».
Крыніцы пацвердзілі, што гэта не пустыя пагрозы, што сапраўды яго хочуць выкрасці. І на гэта накіроўвалі «спецыяльна навучаных людзей, звязаных з амбасадай у тым ліку Беларусі ў Польшчы. Тут, у Варшаве. (…) Падрабязнасцяў нават я не ведаю. Але шмат з гэтага пацвердзілася. (…) Было шмат розных пагроз, нават пару месяцаў назад».
Па словах Пуцілы, ён ужо звыкся з пагрозамі на свой адрас, але было складана, калі ён іх атрымліваў упершыню.
Расказваючы пра тое, як ён імкнуўся схавацца ад магчымага выкрадання, Сцяпан даводзіць, што выкарыстоўваў «розныя метады, розныя кватэры, розныя шляхі дадому. Часам спаць даводзілася ў офісе, забарыкадаваным. А часам у машыне, на матрацы. Часам не прыходзіць у офіс па пяць дзён».
«Але гэта не тое было, каб мы баяліся. Мы проста прадухілялі магчымыя, сапраўды пацверджаныя спробы на той момант зрабіць штосьці кепскае», — заўважае рэдактар «Нехта».
«Наша Нiва» — бастыён беларушчыны
ПАДТРЫМАЦЬЦяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі8
Каментары
вось і латушка амбасадарам быў. не ў Варшаве, ну але...