Камітэт дзяржаўнай бяспекі Беларусі ўключыў стваральніц мінскага стартап-хаба Imaguru Таццяну Марыніч і Анастасію Хамянкову, а таксама яго былога дырэктара Яўгена Пугача ў пералік асоб і арганізацый, якія маюць дачыненне да тэрарыстычнай дзейнасці. Іх імёны з'явіліся ў абноўленым спісе ад 7 мая, піша Devby.io.
Адзначаецца, што падставай для ўключэння ў тэрарыстычны cпіс з'яўляецца ўступленне «ў законную сілу прысуду суда».
Раней Мінскі гарадскі суд завочна асудзіў Марыніч і Хамянкову да 12 і 11 гадоў пазбаўлення волі. Іх прызналі вінаватымі ў распальванні сацыяльнай варожасці, змове з мэтай захопу ўлады, закліках да санкцый, стварэнні экстрэмісцкага фармавання, фінансаванні экстрэмісцкай дзейнасці, вярбоўцы грамадзян для ўдзелу ва ўзброеным фармаванні на тэрыторыі замежнай дзяржавы, абразе прадстаўніка ўлады, а таксама ўхіленні ад выплаты падаткаў і злоўжыванні службовым становішчам.
Пугача прызналі вінаватым у закліках да дзеянняў, накіраваных на прычыненне шкоды нацбяспецы і ўхіленні ад выплаты падаткаў, прысудзіўшы яму 4,5 гады калоніі. Пазней справа была разгледжаная апеляцыйнай інстанцыяй Вярхоўнага суда.
Imaguru быў прызнаны «экстрэмісцкім фармаваннем» у жніўні 2023 года. Пра яго закрыццё было абвешчана на два гады раней, у 2021-м.
Да калоніі і буйных штрафаў асудзілі прадстаўнікоў мінскага стартап-хаба «Імагуру»
Еўракамісія выдае 3 мільёны еўра на падтрымку беларускага бізнэсу за мяжой. У кансорцыум уваходзяць ABBA, Imaguru і Belbiz
Трэба стаць новым Ізраілем. У Беларусі прыдумалі, як развіваць стартапы
«Сённяшняя візітоўка Беларусі — палітычны тэрор». Таццяна Марыніч пра рэлакейт, палітыку і ПВТ
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары
Звания, должности, премии , льготы из воздуха.