«Белпол» расказвае, што вядома пра базу.
Ілюстрацыйны здымак. Фота: Look By Media
Па звестках «Белпола», у базу сілавікоў «БЕСпарадкі» ўключана звыш 100 тысяч чалавек.
Туды ўносяць тых, хто ўдзельнічаў у вулічных пратэстах, праяўляў апазіцыйную пазіцыю ў інтэрнэце. Сярод іх ёсць і ўжо асуджаныя па крымінальнай справе, і беларусы, якія выехалі за мяжу.
Звыш 50 тысяч чалавек з гэтай базы прайшлі праз адміністрацыйныя затрыманні і арышты за пратэсную дзейнасць.
Тых, каго ўносяць у базу, абмяжоўваюць у правах. Напрыклад, не прымаюць на працу ў дзяржаўныя арганізацыі або незаконна звальняюць. Многіх падвяргаюць незаконным «прафілактычным» адміністрацыйным затрыманням і арыштам, перыядычным праверкам сілавікоў, узмоцненаму кантролю пры перасячэнні беларускай мяжы.
Каментары