Як і ў папярэднія тры гады, расійскі прэзідэнт Уладзімір Пуцін у ўрачыстай прамове на Краснай плошчы 9 мая згадаў пра вайну Расіі супраць Украіны, аднак гэтым разам на гэтую тэму было сказана літаральна некалькі слоў, піша Бі-бі-сі.
Паводле слоў Пуціна, расіяне захоўваюць памяць пра «гістарычныя, трыумфальныя падзеі» Вялікай Айчыннай вайны і пакаленне, якое завяшчала «абароняць Радзіму» і «цвёрда адстойваць свае нацыянальныя інтарэсы», а таксама традыцыйныя каштоўнасці.
«Расія была і будзе непахіснай перашкодай для нацызму, русафобіі, антысемітызму, будзе змагацца з беззаконнем, што чыняць прыхільнікі гэтых агрэсіўных разбуральных ідэй. Праўда і справядлівасць на нашым баку», — сказаў Пуцін.
«Уся краіна, грамадства, народ падтрымліваюць удзельнікаў спецыяльнай ваеннай аперацыі. Мы ганарымся іх адвагай і рашучасцю», — адзначыў пасля гэтага расійскі прэзідэнт. «Спецыяльнай ваеннай аперацыяй» у Расіі называюць вайну ва Украіне.
Пасля гэтага яго прамова зноў была прысвечана Вялікай Айчыннай вайне. Завяршыў прамову Пуцін словамі пра тое, што расіяне заўсёды будуць абапірацца «на нашу еднасць» у «вайсковых і мірных справах».
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
А чому путін поруч з русофобією не бореться з україно-фобією, кавказо-фобією, англосаксо-фобією і таке інше? Підлеглі рашисти не сприймуть?