У I квартале 2025 года ў сталіцы зарэгістравана 3516 здзелак куплі-продажу кватэр. Амаль 40% з іх прыпала на кватэры ў цэнавым дыяпазоне $60—80 тыс., а найбольшая колькасць здзелак была здзейснена ў Кастрычніцкім раёне Мінска, піша Office Life.
Паводле даных Нацыянальнага кадастравага агенцтва, усяго за I квартал 2025 года было прададзена 180,6 тыс. квадратных метраў кватэр. Агульная сума гэтых здзелак — $300,8 млн у эквіваленце.
-
45% здзелак прыпала на аднапакаёвыя кватэры;
-
9% — доля новабудоўляў, абсалютная большасць якіх — аднапакаёвыя. Пры гэтым больш за палову такіх кватэр маюць плошчу больш за 44 квадратныя метры, то бок патэнцыйна могуць мець большую колькасць пакояў;
-
19% кватэр — гэта кватэры з цаной вышэй за $100 тыс. Іх доля з пачатку года вырасла на 3%;
-
на «другасным рынку» больш за ўсё падаражэў квадратны метр у аднапакаёвых кватэрах: плюс $100 і склаў $1810, што з'яўляецца рэкордам за 10 гадоў;
-
у новабудоўлях мацней за ўсё падаражэлі «двушкі» (плюс $80, да $1670 за квадратны метр у сярэднім).
Больш за ўсё здзелак — 656 — здзейснена ў Кастрычніцкім раёне Мінска, пры гэтым 500 з іх — у мікрараёне «Мінск-Свет».
Для параўнання: у Партызанскім раёне было прададзена 121 кватэра, то бок у 5,4 раза менш.
Больш за 100 здзелак здзейснена ў пяці мікрараёнах Мінска: «Мінск-Свет», Сухарава, Серабранка, Малінаўка, Зялёны Луг.
А дзе самыя дарагія кватэры?
Самыя дарагія раёны Мінска — Цэнтральны і Кастрычніцкі, сярэдняя цана за квадратны метр у іх павялічылася да IV квартала прыкметна мацней, чым у іншых раёнах, — на 7%, адзначаюць у НКА.
Топ-10 мікрараёнаў па сярэдняй цане квадратнага метра:
- Траецкае прадмесце, Асмалоўка — $2400;
- Цэнтр — $2360;
- Вялікая Сляпянка — $2270;
- Вяснянка — $2210;
- Грыбаедава — $2200;
- Маяк Мінска — $2130;
- Левада — $2130;
- Раманаўская Слабада — Цэткін — $2100;
- Лебядзіны — $2080;
- Грушаўка — $1980.
Каментары