Некаторыя з іх прызначаны для паветранай разведкі.
Міністэрства абароны Беларусі да канца года плануе набыць беспілотныя апараты на 3,3 мільёна долараў. На гэтую інфармацыю на сайце дзяржаўных закупак звярнуў увагу тэлеграм-канал «ОтВинта | Авиация Беларуси».
У большасці выпадкаў гэта беспілотнікі кітайскай вытворчасці, але ёсць і адна пазіцыя без канкрэтыкі, адзначае рэсурс:
-
187 FPV-дронаў Caddx X10 (версія AI) або аналаг;
-
190 FPV-дронаў Caddx X10 (версія IR) або аналаг;
-
20 камплектаў з FPV-дронамі;
-
81 тактычны беспілотны авіяцыйны комплекс на базе мультыкоптара DJI Mavic 3 Thermal у камплекце або аналаг;
-
83 тактычныя беспілотныя авіяцыйныя комплексы на базе мультыкоптара Autel EVO MAX 4T у камплекце або аналаг.
«Калі з FPV-дронамі ўсё зразумела, то DJI Mavic 3 Thermal і Autel EVO MAX 4T прызначаны для паветранай разведкі. Акрамя таго, апошні, дзякуючы цеплавізійнай камеры і лазернаму дальнамеру, на падставе тэхналогіі распазнавання штучнага інтэлекту здольны аўтаматычна ідэнтыфікаваць і захопліваць розныя тыпы цэляў, такія як крыніцы цяпла, людзі, якія рухаюцца, або транспартныя сродкі», — адзначае рэсурс.
Акрамя кітайскіх БЛА, у апошнія некалькі гадоў Мінабароны Беларусі актыўна набывала расійскія беспілотныя авіяцыйныя комплексы «Supercam» розных мадыфікацый, а таксама беларускія БАК «Беркут-3».
Нагадаем, на гэтым тыдні Аляксандр Лукашэнка падпісаў указ, які спрашчае парадак увозу ў Беларусь беспілотных лятальных апаратаў і авіямадэляў «у інтарэсах сілавых, праваахоўных і іншых арганізацый». Акрамя таго, у мэтах узмацнення кантролю за абаротам БЛА ўводзіцца абавязак для юрыдычных асоб і індывідуальных прадпрымальнікаў узгадняць продаж БЛА да яго ажыццяўлення.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары