Вайскоўцы заўчора навялі пантонны мост у Бешанковічах, а ўчора з яго ўпаў і патануў чалавек
12 красавіка ў 16:40 бешанковіцкім ратавальнікам паступіла паведамленне пра патанулага чалавека ў рацэ Заходняя Дзвіна ў Бешаковічах.
У 16:35 у раёне вуліцы Савецкай у рацэ Заходняя Дзвіна на адлегласці каля 100 метраў ад берага быў знойдзены патанулы мужчына 1970 года нараджэння.
Як распавялі відавочцы, мужчына ішоў па пантонным мосце і на сярэдзіне ракі ўпаў з яго.
З вады пацярпелага дасталі відавочцы і перадалі брыгадзе хуткай медыцынскай дапамогі. Медыкі канстатавалі смерць мужчыны. Работнікі МНС не прыцягваліся.
Што стала прычынай падзення, не паведамляецца.
Пантонны мост у Бешанковічах, наведзены вайскоўцамі 30-й асобнай чыгуначнай брыгады, быў урачыста адкрыты 11 красавіка.
Яго даўжыня — больш за 150 м. Пераправа будзе працаваць да зімы. Мост пабудавалі, каб дазволіць мясцовым жыхарам лягчэй перапраўляцца цераз раку. Без пераправы людзям даводзіцца выкарыстоўваць лодкі або 100 кіламетраў ехаць у аб'езд.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары