Беларуска распачала чэлендж: выдаткоўваць на ежу толькі $20 на месяц. Што атрымалася?
Ірына паставіла сабе мэту: выдаткоўваць на ежу не больш за 20 даляраў (ці 62 беларускія рублі) на месяц. Такім чынам жанчына плануе забіць адразу двух зайцаў: эканоміць, а таксама жыць на дэфіцыце калорый, каб схуднець.
Пры гэтым беларуска амаль штодзённа выкладвае свой рацыён ў тыктоку, дэманструючы, што яе дэфіцыт калорый (1200-1300 калорый у дзень) — гэта не пра існаванне выключна на хлебе і вадзе.
Так, у дні, калі Ірына не працуе ў агародзе і, адпаведна, траціць менш калорый, яе дзённае харчаванне выглядае наступным чынам: грэчка з катлетай, салатай і кава без цукру на сняданне, суп з кіслай капустай на абед і кавалак пірага з начыннем з мяса і цыбулі на вячэру.
Часам замест паўнавартаснага прыёму ежы жанчына можа з’есці марозіва.
«Правіла маёй дыеты — есці тое, што я люблю, толькі ў меншых аб'ёмах. У марозіве 240 калорый, гэта нават менш за маю норму калорый на абед», — тлумачыць Ірына.
У канцы сакавіка жанчына якраз падбіла свае месячныя расходы на ежу. Што ж атрымалася ў ходзе яе эксперыменту? Закупалася Ірына ў крамах «Марцін», «Скрыжаванне», «Хіт», «Грошык», «Светлафор». З лютага па сакавік на прадукты ў яе пайшло амаль 89 рублёў, што больш за запланаваны бюджэт ажно на 27 рублёў. Але бабруйчанка падкрэслівае: частка прадуктаў у яе засталася на красавік.
«Я палічыла ўсе прадукты, якія ў мяне засталіся на 1 красавіка, іх выйшла на 32 рублі. А значыць мэту, якую я ставіла перад сабой, я выканала, нават сэканоміла тры даляры. Таму ў красавіку я буду працягваць жыць на 20 даляраў на месяц».
Варта адзначыць, што дадаткова эканоміць ёй дапамагаюць хатнія загатоўкі, а таксама часам — візіты дзяцей, якія прыходзяць у госці з нейкімі смакоткамі да стала.
У каментарах некаторыя землякі не разумеюць, навошта так пакутаваць, і нават пішуць, што жыццё на такія грошы, у дэфіцыце — гэта не жыццё.
«Пастаўце перад сабой мэту быць шчаслівай! Гэта лепшы праект», — раяць каментатары. Але Ірына адразае: якраз па віне дарадцаў, якія казалі ёй «жывём адзін раз, таму ні ў чым сабе не адмаўляй», яна за апошнія гады набрала лішнія кілаграмы і пачала адчуваць сябе горш фізічна. Таму дысцыпліна, на яе думку, якраз і ёсць грунтам шчаслівага жыцця.
За тры месяцы жанчына скінула восем кілаграмаў.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары
и вот я прихожу к такой женщине на прием и она "советует" мне...
товарищи, куда мне эту женщину послать?
гарод свекрови чуть не убил прошлым летом моего мужа и сына
элементарно. мы перегружены были... еще и 3-я корона (корновирус пронесся по нам) а свекрови что... она сидит днями и ночами в тиктоке с подружками ей делать нечего
она не понимает, почему младщий сын очень быстро покинул ее ?