Германія ў адказ на пошліны Трампа можа запатрабаваць вярнуць 1200 тон золата
Германіі разглядаюць магчымасць вываду сваіх залатых рэзерваў, што захоўваюцца ў ЗША, з-за ўзмацнення сумневаў у надзейнасці Вашынгтона як эканамічнага партнёра. Пра гэта паведамляе Bild са спасылкай на інфармаваныя крыніцы.
Гаворка ідзе пра 1200 тон золата, размешчаных у сховішчы Федэральнага рэзервовага банка ў Нью-Ёрку. Гэтыя рэзервы належаць Германіі і з’яўляюцца часткай яе найбуйнейшага пасля ЗША залатога запасу, агульны аб’ём якога складае 3375 тон. Кошт нямецкага золата, што захоўваецца ў ЗША, цяпер перавышае 113 мільярдаў еўра.
Паводле Bild, высокапастаўленыя прадстаўнікі Хрысціянска-дэмакратычнага саюза (ХДС), які ўзначаліць наступны ўрад ФРГ, пачалі абмеркаванне пытання аб перамяшчэнні залатога рэзерву з ЗША — у прыватнасці, у Франкфурт або іншыя еўрапейскія сховішчы.
Падставай стала заклапочанасць непрадказальным курсам Дональда Трампа, асабліва пасля абвяшчэння аб увядзенні новых гандлёвых пошлін у дачыненні да шэрагу краін, уключаючы дзяржавы Еўрасаюза.
Каментары