Восенню 2024 года 63-гадовай жыхарцы Віцебска напісаў мужчына, які прадставіўся Кіяну Рыўзам. На рускай мове «актор» прызнаўся ёй у каханні, піша Следчы камітэт.
Спачатку пенсіянерка размаўляла з Кіяну Рыўзам на агульныя тэмы, але зусім хутка ён пачаў пісаць ёй рамантычныя паведамленні і прызнавацца ў каханні.
Больш за тое, ён актыўна дасылаў ёй «свае» фотаздымкі — у жанчыны не было сумневаў, што перапісваецца яна з сапраўднай канадскай зоркай.
У снежні «актор» захацеў даслаць ёй 500 тысяч даляраў. Пенсіянерцы пачалі прыходзіць паведамленні ад «паштовых фірмаў», якія прасілі заплаціць за перасылку вялікай сумы. Тады яна перавяла махлярам чатыры тысячы рублёў.
На гэтым прыгоды не спыніліся — каб забраць пасылку з «грошамі ад Кіяну Рыўза», трэба было заплаціць яшчэ сем тысяч даляраў. Жанчына прыйшла ў банк, каб атрымаць крэдыт, і тады адзін з супрацоўнікаў установы параіў ёй звярнуцца ў міліцыю.
Віцебскі следчы камітэт распачаў справу аб махлярстве (частка 1 артыкула 209 КК).
-
«І я пацалую табе руку, калі будуць курчыцца Фукуяма, Леві і Кісінджэр». Як Азаронак фліртаваў з Дугінай
-
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію
-
Палітзняволенай фатографцы Наталлі Бачурынскай змякчылі прысуд. Яе выпусцілі на волю
Каментары