«Я б хацела сёння заказаць для цябе кветкі». Вольга Хіжынкова падзялілася, як цяжка перажывае страту маці
Вядомая беларуская мадэль напісала на сваёй старонцы ў інстаграме, як ужо другі год цяжка перажывае смерць маці.
«Я б хацела сёння замовіць для цябе кветкі да 8 сакавіка. Забіць багажнік нашымі любімымі міндальнымі круасанамі, торт «Казка» пад шклом ззаду і самы вялікі пачак тваіх любімых рафаэлак», — піша Хіжынкова.
«Так больш не будзе. Ніколі. Замест букета на 8 сакавіка мы другі год нясем кветкі туды, дзе ў халоднай зямлі спачывае сэрца, якое нас любіла. Трывожылася пра нас. Чакала і малілася.
У той дзень, калі дарога прывядзе мяне дадому, я адразу ж прыеду да цябе, мая родная. Я пасаджу для цябе кветкі. А потым буду паліваць іх сваімі слязамі. Такімі бескарыснымі зараз».
Раней мадэль і Міс Беларусь не казала аб страце маці.
У 2020 годзе Хіжынкову арыштавалі на 42 сутак праз удзел у акцыях пратэсту, пасля чаго яна з'ехала з краіны. Яна актыўна выказвалася супраць гвалту сілавікоў у Беларусі і супраць вайны ва Украіне.
Ціханоўскі расказаў, што трэба было рабіць у жніўні 2020-га62
Каментары