Ашуканцы выцягнулі ў мінчука больш за 20 тысяч рублёў і параілі яму «не сумаваць»
42-гадовы мінчук быў на сувязі з махлярамі каля двух тыдняў і за гэты час пералічыў больш за 21 тысячу рублёў.
Яшчэ ў студзені незнаёмцы па тэлефоне паведамілі мужчыну, быццам злачынцы ўзламалі і выкарыстоўвалі ягоны мабільны нумар, выкралі пашпартныя даныя і аформілі на ягонае імя крэдыт. Каб пагасіць доўг, мінчуку параілі аформіць пазыку на тую ж суму.
Пры гэтым рэальныя супрацоўнікі банка перапыталі, ці не стаў мужчына ахвярай махляроў, аднак ён адказаў адмоўна, думаючы, што захоўвае таямніцу следства.
Атрымаўшы крэдыт на суму 16900 рублёў, мужчына пералічыў грошы на некалькі чужых рахункаў, думаючы, што вяртае іх у рэзерв Нацыянальнага банка. Затым ён па камандзе махляроў сфатаграфаваў усе свае ашчаджэнні і паклаў іх на рахункі, названыя суразмоўцамі. Мінчука пераканалі, што толькі так можна захаваць грошы, калі да яго ў кватэру прыйдуць з ператрусам.
Атрымаўшы грошы, злачынцы самі паведамілі мужчыну, што падманвалі яго, і параілі «не сумаваць» ды звярнуцца ў міліцыю.
Цяпер чытаюць
Што за дваццацігадовыя дзяўчаты наліваюць чай Лукашэнку4
Што за дваццацігадовыя дзяўчаты наліваюць чай Лукашэнку
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары