У цэнтры Вільні на сцяне будынка ЕГУ зноў з'явіўся правакацыйны надпіс ФОТА
Гэтым разам надпіс «Вільня наша» з бел-чырвона-белым сцягам заўважаны ў Старым горадзе, на доме з адрасам Савіча (Savičiaus), 17.
У гэтым будынку месціцца Еўрапейскі гуманітарны ўніверсітэт, а непадалёк знаходзяцца беларуская сувенірная крама «Кропка» і карчма «1863».
Выпадкі падобнага кшталту здараюцца ў Вільні рэгулярна. Апошні быў зафіксаваны месяц таму на будынку ЕГУ. Вінаватых, аднак, ніколі не знаходзяць.
Ёсць аргументаваныя падазрэнні, што гэтыя правакатыўныя надпісы робяцца спецыяльна для таго, каб выклікаць негатыўнае стаўленне да беларусаў, якія жывуць у Літве, з боку літоўскіх уладаў і грамадства. У свой час мы прасачылі нават, як іх замаўляюць.
Параўноўваючы надпісы, можна заўважыць, што яны, хутчэй за ўсё, робяцца адной рукой. Пры гэтым «ш» і «л» пішуцца так, як пішуць іх людзі, якія карыстаюцца лацініцай і не ведаюць кірыліцы.
Часта ў Вільні фіксуюцца і надпісы на літоўскай мове, абразлівыя ў дачыненні да беларусаў. Многае сведчыць, што іх замоўцамі выступаюць замежныя спецслужбы, аднак выканаўцаў яшчэ таксама ні разу не выявілі.
Самыя свежыя выпадкі падобнага кшталту — распісванне дзвярэй карчмы «1863» 5 лістапада 2024 года і падпал дзвярэй Беларускага дома ноччу 26 кастрычніка. Раней акты вандалізму ўчыняліся супраць таго самага Беларускага дома, крамы «Кропка», якую трымае былы палітвязень з Беларусі, і капліцы беларускай праваслаўнай парафіі Канстанцінопальскага патрыярхата, каля офіса «Дапамогі» і на сцяне каля ЕГУ. Таксама нядаўна была апаганеная магіла каліноўца Аляксандра Царука на віленскіх могілках.
У цэнтры Вільні з'явіўся надпіс «Вільня наша» па-беларуску. Але да манеры напісання ёсць вялікія пытанні
На ўездзе ў Вільню намалявалі надпіс «Вільня наша» з бчб-сцягам. Вось як замаўляюць такія графіці
Вось што варта расказаць літоўцам пра «Пагоню»
У Вільні на ЕГУ зноў з'явіўся правакацыйны надпіс
У Вільні зноў з'явіўся антыбеларускі надпіс на дзвярах беларускай установы ФОТА
Каментары