Спецпрадстаўнік Трампа Кіт Келаг не бачыць Еўропы за сталом мірных перамоў
Спецпрадстаўнік прэзідэнта ЗША па пытаннях Украіны і Расіі Кіт Келаг на Восьмым украінскім ланчы з нагоды Мюнхенскай канферэнцыі па бяспецы, арганізаваным Фондам Віктара Пінчука, выказаўся пра тое, як ён бачыць ролю Еўропы падчас перамоў аб заканчэнні вайны ва Украіне.
«Я шчыра вам кажу, што будзе адбывацца. Мы паглядзелі на праблему «Мінска-2». Там было шмат людзей за сталом і яны не мелі ніякай магчымасці далучыцца да мірнага працэсу — гэта не прынесла поспеху. Мы не будзем паўтараць «Мінск», — заявіў Кіт Келаг.
Таму за гэтым сталом «фізічна» ён еўрапейцаў увогуле не бачыць. Звяртаючыся да прадстаўнікоў Еўропы, амерыканскі спецпрадстаўнік так акрэсліў іх сціплую ролю:
«Ці будуць усе вашыя інтарэсы ўключаныя ў гэтыя абмеркаванні? Так. Калі маецца на ўвазе сядзець фізічна за сталом, то не».
Ён падкрэсліў, што новая дамова не будзе «Мінскам-2». Таксама, па словах Келага, казаць пра яе поспех можна будзе тады, калі стане бачна, якая яна ў працы.
«План, як спыніць Пуціна і скончыць вайну». Зяленскі сустрэўся з віцэ-прэзідэнтам ЗША ў Мюнхене
Вэнс заявіў, што ягоныя словы перакруцілі — ён не дапускае магчымасці адпраўкі амерыканскіх войскаў ва Украіну
ЗША далі зразумець Украіне, што гатовыя размясціць у краіне войскі ў абмен на доступ да 50% яе карысных выкапняў
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары
ва Украіне