У польскім фінале адбору на «Еўрабачанне» прагучыць песня на падляскай гаворцы
Дуэт Niczos і Sw@da, які спалучае клубныя аранжыроўкі з традыцыйным спевам і рэпам на падляскай гаворцы і беларускай мове, здолеў прабіцца ў фінальны этап нацыянальнага адбору, піша Most.
Niczos — спявачка Ніка Юрчук з Бельска Падляскага, Sw@da — польска-калумбійскі прадзюсар з Беластока. Іх музыка адлюстроўвае ўнікальную культуру Падляшша і спалучае сучасныя рытмы з фальклорнымі матывамі рэгіёна. У фінале дуэт выканае песню Lusterka.
«Мы абсалютна здзіўленыя! Але калі чаму і вучымся на Падляшшы ад людзей вакол нас, дык гэта асабліваму характару гэтых людзей і мясцін. Гэта тое, што дазваляе нам рабіць музычныя даследаванні, якія мы любім. Конкурсы — гэта класна, бо яны дапамагаюць пашыраць кола ўдзельнікаў Podlasie Bounce Crew, далучаючы новых людзей да танцаў продкаў і музыкі фавэл з усяго свету. Але найперш мы хочам працягваць рабіць тое, што робім. Па-свойму. Дзякуючы вам падляская мова ўпершыню прагучыць у польскім фінале Еўрабачання!» — падзяліўся дуэт у сваім Instagram.
Польскі фінал адбору Eurovision адбудзецца 14 лютага на канале TVP2. У фінальны спіс трапіла 10 калектываў і выканаўцаў. Пераможца прадставіць Польшчу на міжнародным конкурсе ў Швейцарыі ў 2025 годзе.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары