Следчы камітэт пагражае беларусам, якія за мяжою ўдзельнічаюць у акцыях супраць рэжыму
СК выпусціў адмысловую заяву, дзе папярэдзіў тых, хто будзе за мяжою напярэдадні прэзідэнцкіх выбараў удзельнічаць у акцыях супраць рэжыму Лукашэнкі. СК абяцае ім крыміналкі, у тым ліку і завочныя.
Акцыі супраць фальсіфікацыі выбараў і палітычных рэпрэсій у Беларусі, якія цяпер могуць праходзіць толькі за мяжою, не даюць спакою рэжыму. СК папярэдзіў, што «працягвае вызначаць актыў экстрэмісцкіх ячэек за мяжой».
СК піша, што акцыі за мяжою расцэньвае «як спробу дыскрэдытацыі Рэспублікі Беларусь на міжнароднай арэне і распальвання сацыяльнай варожасці з дапамогай малалікіх вулічных акцый, якія імітуюць падтрымку радыкальных рухаў».
СК называе акцыі «Лукашэнка ў шродар», якія, па інфармацыі СК, арганізуюць народныя пасольствы, а таксама форум 26 студзеня ў Варшаве «Беларусы годныя лепшага».
«Следствам сумесна з зацікаўленымі органамі вядзецца актыўная работа па выяўленні і ідэнтыфікацыі ўдзельнікаў запланаваных акцый за мяжой. Іх дзейнасць дакументуецца для прыняцця рашэння аб прыцягненні фігурантаў да крымінальнай адказнасці, у тым ліку ў парадку спецыяльнай вытворчасці. Кожнаму факту супрацьпраўнай дзейнасці будзе дадзена жорсткая прававая ацэнка», — пагражае СК.
-
Пячнік і бацька шасцярых дзяцей адседзеў у калоніі за ўдзел у пратэстах. Ён просіць дапамогі, каб адкрыць сваю справу
-
Журналістка Шчыракова расказала, як сілавікі размясцілі яе інтымныя здымкі на сайце знаёмстваў і давалі яе нумар тэлефона мужчынам
-
Польшча адмовілася адкрыць справу па знікненні Анатоля Котава
Каментары
Раздрукуйце на паперы фота, наклейце на картонку, прымацуйце вяровачкі/рэзінку.