Śledčy kamitet pahražaje biełarusam, jakija za miažoju ŭdzielničajuć u akcyjach suprać režymu
SK vypuściŭ admysłovuju zajavu, dzie papiaredziŭ tych, chto budzie za miažoju napiaredadni prezidenckich vybaraŭ udzielničać u akcyjach suprać režymu Łukašenki. SK abiacaje im kryminałki, u tym liku i zavočnyja.
Akcyi suprać falsifikacyi vybaraŭ i palityčnych represij u Biełarusi, jakija ciapier mohuć prachodzić tolki za miažoju, nie dajuć spakoju režymu. SK papiaredziŭ, što «praciahvaje vyznačać aktyŭ ekstremisckich jačejek za miažoj».
SK piša, što akcyi za miažoju rasceńvaje «jak sprobu dyskredytacyi Respubliki Biełaruś na mižnarodnaj arenie i raspalvańnia sacyjalnaj varožaści z dapamohaj małalikich vuličnych akcyj, jakija imitujuć padtrymku radykalnych ruchaŭ».
SK nazyvaje akcyi «Łukašenka ŭ šrodar», jakija, pa infarmacyi SK, arhanizujuć narodnyja pasolstvy, a taksama forum 26 studzienia ŭ Varšavie «Biełarusy hodnyja lepšaha».
«Śledstvam sumiesna z zacikaŭlenymi orhanami viadziecca aktyŭnaja rabota pa vyjaŭleńni i identyfikacyi ŭdzielnikaŭ zapłanavanych akcyj za miažoj. Ich dziejnaść dakumientujecca dla pryniaćcia rašeńnia ab pryciahnieńni fihurantaŭ da kryminalnaj adkaznaści, u tym liku ŭ paradku śpiecyjalnaj vytvorčaści. Kožnamu faktu supraćpraŭnaj dziejnaści budzie dadziena žorstkaja pravavaja acenka», — pahražaje SK.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien na darahuju kliniku dla Łukašenki
-
Minčuki ŭ čacie paskardzilisia na pracu palikliniki. Dziaržaŭnaja prapahanda abvinavaciła ŭ čerhach samich naviedvalnikaŭ
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki6
Kamientary
Razdrukujcie na papiery fota, naklejcie na kartonku, prymacujcie viarovački/rezinku.