Фландрыя перадасць 100 000 еўра Радзе Еўропы для падтрымкі беларускіх журналістаў у выгнанні, «каб яны маглі працягваць аб'ектыўнае асвятленне падзей і барацьбу з дэзынфармацыяй». Пра гэта ў чацвер паведаміў міністр-прэзідэнт Фландрыі Маціяс Дыпэндаэле (Matthias Diependaele), піша Reform.news.
Маціяс Дыпэндаэле сустрэўся з беларускай дэмакратычнай лідаркай Святланай Ціханоўскай у Бруселі ў рамках Дзён Беларусі — еўрапейскай ініцыятывы, накіраванай на прыцягненне ўвагі да дэмакратычных рухаў і правоў чалавека ў Беларусі.
«Свабодныя і незалежныя СМІ жыццёва важныя для абароны дэмакратычных каштоўнасцяў. Дзякуючы гэтай падтрымцы Фландрыя дапамагае журналістам, якія, знаходзячыся пад велізарным ціскам, працягваюць працаваць над аб'ектыўным і надзейным асвятленнем падзей», — заявіў Дыпэндаэле.
Фландрыя ўнясе ўклад у праграму дзеянняў Савета Еўропы на 2024-2025 гады, якая прадугледжвае навучанне і аператыўную падтрымку журналістаў у выгнанні.
Фландрыя — адзін з трох рэгіёнаў Бельгіі, які займае паўночную частку краіны. Яго насельніцтва збольшага размаўляе на нідэрландскай мове, у адрозненне ад паўднёвага рэгіёна Валоніі, дзе пануе французская мова.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Калі вы пачнеце жыць на грошы беларусаў і працаваць на іх нарэшце?