Здарэнні33

«Гэта замах на забойства». Пад Гроднам нехта нацягнуў дрот над сцежкай, дзе катаюцца матацыклісты

У лесе непадалёк ад Гродна ёсць сцежка, папулярная ў матацыклістаў і раварыстаў. Аднак хтосьці вырашыў зрабіць яе небяспечнай.

Фота: «АвтоГродно»

Сцежка ў лесе каля закінутых кар'ераў пад Гроднам карыстаецца папулярнасцю ў матацыклістаў. Але напярэдадні вечарам чарговая мотапрагулка ледзь не скончылася трагедыяй.

Матацыклісты цудам паспелі затармазіць перад дротам, які хтосьці нацягнуў над сцежкай на ўзроўні шыі, піша «АвтоГродно».

«Мы з сябрамі ўчора выехалі пакатацца каля крэйдавых кар'ераў на матацыклах. Зусім выпадкова ў цемры пад святлом фар заўважыў перад сабой лінію і паспеў затармазіць.

Гэта тоўсты дрот, які быў мэтанакіравана і надзейна нацягнуты паміж двума дрэвамі якраз над мота– і веласцежкай. Гэта замах на забойства, іншых слоў у мяне няма», — расказаў сведка.

Матацыклісты спешыліся, прайшліся ўздоўж сцежкі і выявілі такі ж самы дрот у яшчэ адным месцы.

У лесе каля кар'ераў матацыклісты займаюцца дысцыплінай пад назвай Эндура — гэта экстрэмальны мотаспорт з перашкодамі. Спецыяльна для заняткаў аматары накаталі сцежкі ўдалечыні ад жылых дамоў. На гэтых сцежках сталі катацца і раварысты. Палюбілася гэтая лакацыя і бегунам.

Матацыклісты не ведаюць, каму яны маглі перашкаджаць.

«Яшчэ некалькі гадоў таму нам зрабілі заўвагу жыхары хутара, які знаходзіцца непадалёк. Мы пачулі просьбу і зрушыліся ўглыб, цяпер заўваг ад жыхароў хутара не паступае. Увогуле, у нас няма ідэй, хто мог нацягнуць дрот у двух месцах над гэтай сцежкай», — адзначыў матацыкліст.

Цяпер спартоўцы збіраюцца правяраць сцежку перад кожным заездам. Праз выданне яны звярнуліся да таго, хто нацягнуў дрот, з просьбай звязацца з імі і растлумачыць сутнасць канфлікту, каб знайсці рашэнне.

Акрамя таго, на месцы ўжо пабывалі міліцыянеры. Ці праводзіцца праверка па гэтым факце, пакуль невядома.

Каментары3

  • inua
    20.11.2024
    Памятаю, сцежка прызначана для пешаходаў і раварыстаў і зьяўляецца часткай афіцыйных маршрутаў; апошнія гады яе акупавалі матацыклісты і квадрацыклісты. Ты ідзеш і атрымоўваеш асалоду ад прыроды, а тут на цябе выскоквае матацыкліст - тыя яшчэ адчуваньні. Служкам Лукашэнкі на гэта начхаць - едзьце за 30 км ад горада і атрымоўвайце асалоду ад прыроды там. Але без сумнёваў, нацягнуты дрот мог пашкодзіць ня толькі матацыклістаў, але і пешаходаў з раварыстамі.
  • Глос з над Немна
    20.11.2024
    Звычайныя "народныя мсцiуцы"!
    Бо гэтыя iхнiя "пакатушкi" усiх рэальна задзяублi. Былi выпадкi, калi калечылi пешых, альбо раварыстау.
    Гэтакi спосаб барацьбы з байкерамi не новы, такiм чынам клалi на глебу шарагоуцау матацыклетных бандау у Амэрыцы.
    Таксама, такiм чынам людзi, якiя займалiся пазаконнай высечкай дрэу баранiлiся ад гаёвых на матацыклах на нашых абшарах!
    Ёсць спецыяльная траса пад Каралiно, так не... там не цiкава iм, тады атрымлiвайце па поунай, калi Вам з першага раза не залазiць!
  • Во
    21.11.2024
    Ў мяне на лецішчы таксама такі з'явіўся.
    Ён там адзін ўсяго, але надта заўзяты.
    Ўсю суботу лётае на квадрацыкле.
    Хай бы па лесе, ці полі катаўся - не, вакол хат дзяўбе і дзяўбе цэлы дзень. Пыл стаіць як на раллі парыж-дакар.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі11

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць