Ва Украіне за падрыхтоўку ўдару па вайсковым аэрадроме асудзілі грамадзянку, завербаваную расіянамі ў Беларусі
У выніку расійскага абстрэлу вайсковага аэрадрому ў Івана-Франкоўску ў 2022 годзе загарэўся склад з палівам, загінуў адзін чалавек, атрымалі раненні тры вайскоўцы і дзве цывільныя супрацоўніцы аэрадрома.
Івана-Франкоўскі гарадскі суд асудзіў на 13 гадоў зняволення з канфіскацыяй маёмасці трох грамадзян Украіны, якія дапамагалі расійскім спецслужбам рыхтаваць ракетны ўдар па вайсковым аэрадроме Івана-Франкоўска 24 лютага 2022 года, піша Радыё Свабода.
Сярод асуджаных — украінка, якую, паводле выраку суда, расіяне завербавалі яшчэ ў 2013 годзе на тэрыторыі Беларусі. Яшчэ аднаго асуджанага завербавалі ў 2021 годзе ў горадзе Ніца (Францыя) у Расійскай праваслаўнай царкве, а трэцяга — у 2021 годзе на тэрыторыі Украіны.
У паведамленні суда адзначаецца, што гэтыя грамадзяне прыехалі на тэрыторыю заходняга рэгіёна Украіны ў канцы 2021-га — пачатку 2022 года і пачалі назіраць за вайсковым аэрадромам і органамі дзяржаўнай улады. Для карэктавання ракетных удараў яны выкарыстоўвалі дроны, а таксама размяшчалі так званыя «маячкі» каля важных аб’ектаў.
Асуджаныя планавалі, што пасля ракетнага ўдару па тэрыторыі аэрадрому змогуць нелегальна выехаць з Украіны ў Еўропу. Але іх затрымалі праваахоўныя органы пры дапамозе «пільных жыхароў Івана-Франкоўскай вобласці».
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары