Такарчук: Можа, за Ягорава прагаласаваць, які будзе Лукашэнку ногі цалаваць? Языкі паадрываць бы гэтым галасунам
У вялікай гутарцы ТОК вядомая блогерка Вольга Такарчук выказала сваё стаўленне да ідэі выбараў новага лідара дэмакратычных сіл.
Тым, хто выказваецца аб неабходнасці выбараў новага лідара дэмакратычных сіл Беларусі, блогерка і былая палітзняволеная Вольга Такарчук прапаноўвае выказвацца больш канкрэтна.
«Калі вы прапаноўваеце, то прапаноўвайце нейкую канкрэтыку. Есць канкрэтны чалавек, якога будзе паважаць Захад, будуць сустракацца ўсе лідары заходніх дэмакратычных краін, Злучаных Штатаў Амерыкі? Няма».
Такарчук звяртае ўвагу, што за новую кандыдатуру павінны галасаваць не толькі «купка людзей, якая вырашыла», але і «людзі ў Беларусі, якія яшчэ там засталіся, мы, якія вымушаныя былі выехаць, але таксама галасавалі за Свету не як за прэзідэнта, а за чалавека, які хаця б альтэрнатыва Лукашэнку».
«У вас ёсць прапановы? Ёсць такі чалавек? Можа, за Ягорава прагаласаваць, які пойдзе і будзе ногі цалаваць Лукашэнку?» — задае пытанне Такарчук.
Блогерка таксама звяртае ўвагу на немагчымасць правядзення новых выбараў:
«Людзям страшна. І гэта зразумела. Таму што не ўсе ўмеюць чысціць тэлефоны, як бы мы ні расказвалі. Я сама такая. Я думала, што вычысціла свой тэлефон. А па ходу не — той, што ў КДБ застаўся. Зразумела, з Беларусі не будуць галасаваць. Тут (за мяжой — НН) палове гэта таксама не патрэбна. Хто будзе галасаваць? Наколькі гэта будуць сумленныя выбары?»
Такарчук звяртае ўвагу на ролю Ціханоўскай: «Я бачу, што робіць Света. Яны не разумеюць, што яны тут цяпер знаходзяцца дзякуючы дзеянням Светы і яе каманды. Таму што не была б спрошчаная тая ж легалізацыя, нейкія дапамогі… Вы зможаце таго ж дабіцца? А вас там будуць слухаць?»
Жанчына прапаноўвае ініцыятарам новых выбараў лідара дэмакратычных сіл паралельна шукаць кантактаў з Захадам.
«Хочаце — паралельна ідзіце. Хто вам перашкаджае паралельна са Светай дабівацца сустрэч з заходнімі лідарамі? Навошта гэта перацягванне канату? У нас адна мэта — звергнуць рэжым, каб у нашай краіне нешта памянялася. Каб мы прыехалі дахаты і маглі неяк адстойваць нашу краіну па дэмакратычным сцэнарыі».
«Света не крычыць з кожнага прасу: «Я — адзіны лідар. Пакуль вы мяне не заб'яце, я сінімі пальцамі [за ўладу] не трымаюся». Не, яна ўсім кажа: «[Калі] ёсць у вас магчымасць, рабіце нешта. Я не супраць».
Кожны павінен рабіць адпаведна сваім сілам. Таму языкі паадрываць бы такім галасунам».
Глядзіце цалкам:
Ягораў крытыкуе Ціханоўскую: Няма стратэгічнага мыслення
Блогерка Вольга Такарчук расказала, як трымала галадоўку ў карцары і што за відэа з ёй тады выклалі на ТБ
«Мой тата не вытрымаў бы Акрэсціна». Вольга Такарчук расказала пра арышт у 2021-м, Валадарку, калонію, паўторнае затрыманне і вымушаныя ўцёкі з сям'ёй у 2024-м
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
Дэкрэтніца вырывае языкі.
Новая сацыялістычная апазыцыя заскарузлай савецкай ўладзе прагная да пераменаў.