У Мінску прадаюць цэлы падземны горад — за пяць мільёнаў даляраў
На таргі выставілі першы ў Беларусі падземны гандлёвы цэнтр.
Фота: ІПМ-таргі
Гандлёвы цэнтр «Падземны горад», які размяшчаецца ў пераходзе метро «Партызанская», выставілі на аўкцыён на пляцоўцы «ІПМ-таргі».
«Падземны горад» называюць першым гандлёвым цэнтрам пад зямлёй у Беларусі — ён быў адкрыты ў 2001 годзе. Агульная плошча ГЦ складае 2 564,4 квадратнага метра. Арэнда 800 квадратаў заканчваецца ў канцы года.
Гандлёвы цэнтр выстаўлялі на аўкцыён у траўні — тады яго пачатковая цана складала 7 736 083,2 рубля (амаль 2,5 млн даляраў). Цяпер на паўторных таргах цана вырасла адразу да 16 495 494 рубля (5,2 млн даляраў).
Таргі пачнуцца 17 верасня. Пераможца таксама павінен будзе аплаціць 500 рублёў выдаткаў на аўкцыён і 1% ад выніковага кошту арганізатарам таргоў.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары