Жонку доктара Руслана Бадамшына асудзілі за пратэсты. Раней прысуд вынеслі яму самому
У маі ў Мінску за ўдзел у пратэстах вынеслі прысуд вядомаму неўролагу Руслану Бадамшыну. Як даведалася «Люстэрка», яго жонку Таццяну пазней асудзілі па тым жа «народным» артыкуле.
Таццяну Бадамшыну абвінавачвалі ў «актыўным удзеле ў групавых дзеяннях, якія груба парушаюць грамадскі парадак» (ч.1 арт. 342 КК). Звычайна такое абвінавачванне выстаўляюць шараговым удзельнікам мірных маршаў пратэсту ў Менску ў 2020 годзе.
Справу Таццяны разглядаў суд Фрунзенскага раёна сталіцы. Які менавіта прысуд ёй вынеслі, невядома.
Бадамшына абскардзіла рашэнне суда першай інстанцыі. Яе апеляцыю будуць разглядаць 16 жніўня ў Мінскім гарадскім судзе. З яго раскладу і стала вядома, што жанчына была падвергнутая рэпрэсіям, як і яе муж.
Таццяне пагражае пакаранне ў выглядзе арышту на тэрмін да 3 месяцаў, альбо абмежавання волі на тэрмін ад 2 да 5 гадоў, альбо пазбаўлення волі на тэрмін да 4 гадоў.
Руслан Бадамшын — доктар-неўролаг. Раней ён працаваў у РНПЦ неўралогіі і нейрахірургіі доктарам функцыянальнай дыягностыкі, спецыялізаваўся на спадчынных і набытых нейрамышачных захворваннях, у тым ліку СМА.
У жніўні 2020 года Бадамшын падтрымаў пратэсты супраць фальсіфікацыі выбараў і гвалту сілавікоў. Тады ж яго першы раз затрымалі і адправілі на «суткі». Цягам некалькіх месяцаў ён трапляў за краты пяць разоў і сумарна адбыў больш за 60 дзён адміністрацыйнага арышту. Апошні раз, наколькі вядома, гэта адбылося ў сакавіку 2021 года, і амаль увесь месяц ён правёў за кратамі. У дзень вызвалення яго звольнілі з РНПЦ за тое, што ён спазніўся на працу пасля выхаду з ізалятара ў Жодзіна.
У 2024 годзе Бадамшына затрымалі зноў. Супраць яго распачалі крымінальную справу за фота з акцый пратэсту ў 2020 годзе ў Мінску.
7 мая ў судзе Фрунзенскага раёна сталіцы Юлія Крэпская вынесла неўролагу прысуд. Яму прызначылі 3 гады «хатняй хіміі» — абмежавання волі без накіравання ў папраўчую ўстанову.
Сёння пачынаюць судзіць былога палітвязня з Баранавічаў — яму пагражае да 12 гадоў калоніі
Шматдзетную маці, чый сын — палітвязень, судзяць па крымінальнай справе. Ёй пагражае да 7 гадоў
Палітвязню Цімуру Рызапуру, у якога выпусцілі пяць гумовых куль, дадалі год калоніі за непадпарадкаванне адміністрацыі
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек33
Каментары