Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА
11 ліпеня Аляксандр Лукашэнка з'явіўся на адкрыцці «Славянскага базару ў Віцебску» ў суправаджэнні характэрнай кампаніі. Відэа зняў адзін з гледачоў фестывалю, піша reform.news.
На кадрах бачна, што Лукашэнка заходзіць у Летні амфітэатр у суправаджэнні аховы на чале з сынам Мікалаем, за імі ідуць вышэйшыя чыноўнікі, у тым ліку старшыня Віцебскага аблвыканкама Аляксандр Субоцін. Гэтая карцінка трапіла і ў афіцыйную хроніку.
Цікавыя персанажы знаходзіліся за спінамі аховы. Набліжаны бізнесмен Сяргей Цяцерын цягнуў у руках сумкі і пакеты з сімволікай фестывалю. Ён не быў у гарнітуры, як іншыя суправаджаючыя, а абраў стыль «кэжуал».
Далей ішла асабістая лукашэнкаўская доктарка Святлана Канашэнка ў ружовым касцюме. Яна адказвала за шпіца Умку пад кодавым псеўданімам Беленькі і несла яго на руках. Побач з ёй ішла прэс-сакратарка Наталля Эйсмант.
«Генерал-шпіц Умка пад кодавым іменем Беленькі». Найлепшыя твіты тыдня
Як чыноўнікі закуплялі рэчы для шпіца Умкі
Жалезная лэдзі Лукашэнкі: хто такая Наталля Пяткевіч і чаму яна зноў спатрэбілася ва ўладзе
«Мы вельмі гэтага хочам, мы настойваем» — прэс-сакратарка Лукашэнкі расказала, ці пойдзе той на наступныя выбары
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА4
Каментары