Лукашэнка прапанаваў расейцам і ўкраінцам скупляць за капейкі беларускія вёскі
«Хай у вас там будзе лецішча, 40-50 сотак».
На святкаванні Купалля ў Александрыі 6 ліпеня Аляксандр Лукашэнка ў прамове да гасцей прапанаваў за бесцань зямлю ў неперспектыўных вёсках:
«Паважаныя беларусы і самыя блізкія нашы сябры з Украіны і Расіі, падумайце над маёй прапановай аб куплі за грошы, за капейкі невялікіх участкаў у так званых неперспектыўных вёсках.
Вы ведаеце, што вёска ў нас выратаваная. Мы будуем больш за паўтары тысячы аграгарадкоў, ужо вызначана, дзе яны будуць. У нас засталіся сярэднія і зусім маленькія вёсачкі, дзе раней жыло шмат-шмат людзей. Гэта ж выдатныя месцы, цуд месца. Яны не павінны загінуць — вось гэтыя сярэднія вёсачкі, маленькія. А хто іх адновіць, хто іх захавае? Мы з вамі!»
«Хай у вас там будзе лецішча. Бо гэта 40-50 сотак зямлі-гэта немалы кавалак. У горадзе ці каля горада вы ў лепшым выпадку атрымаеце ўсяго шэсць сотак для гэтага дачнага ўчастка. А тут 40-50», — рэкламаваў Лукашэнка.
І заклікаў скупляць вёскі цяпер, бо заўтра іх ужо не будзе — разбяруць.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою27
Каментары