У Будславе прайшла традыцыйная начная працэсія са свечкамі ФОТАРЭПАРТАЖ
Будслаўскі фэст, што звычайна праводзіцца ў пачатку ліпеня, збірае некалькі тысячаў вернікаў і пілігрымаў з усёй Беларусі.
Уначы ў Будславе адбылася працэсія са свечкамі і святая імша, цэлебрацыю якой узначаліў Мітрапаліт Мінска-Магілёўскі арцыбіскуп Юзаф Станеўскі, піша Catholic.by.
Роўна апоўначы вітаючы сабраных у Нацыянальным санктуарыі вернікаў, іерарх адзначыў, што Маці Марыя збірае сваіх дзяцей у гэтым святым месцы як адну сям’ю.
«Больш за 400 гадоў таму Марыя прыйшла сюды, на гэтую зямлю, да нашых продкаў, каб іх падтрымаць, каб іх наведаць»,— адзначыў арцыпастыр. Ён нагадаў, што 125 гадоў таму нашыя продкі на заклік Папы Пія XII прысвяцілі сябе Найсвяцейшаму Сэрцу Езуса, і цяпер малады Касцёл на Беларусі жадае зноў здзейсніць гэты акт прысвячэння.
«У акце інтранізацыі будзем прасіць аб еднасці ў нашых сем’ях і іх аднаўленні, каб яны былі асяродкамі любові і міру, свабоднымі ад здрады, агрэсіі і насілля, адкрытымі для новага жыцця і здольнымі перадаваць веру і традыцыю продкаў новым пакаленням. Будзем прысвячаць Найсвяцейшаму Сэрцу Езуса нашую моладзь, каб яна знаходзіла сэнс жыцця і ішла за голасам Бога, каб сэрцы маладых людзей палалі любоўю да Збаўцы, каб іх энтузіязм і вера аднаўлялі Касцёл», — патлумачыў духоўны сэнс інтранізацыі арцыбіскуп Станеўскі.
На заканчэнне гаміліі арцыпастыр заахвоціў сабраных да малітвы: «Просім сёння: Божа, блаславі Беларусь, блаславі ўсіх нас, каб дзякуючы адданай веры і чуйнасці нашага сэрца на патрэбы бліжняга, мы змаглі паспрыяць якаснаму будаванню нашай сучаснасці, каб яна сталася трывалым і прыгожым падмуркам веры, надзеі і любові для будучых пакаленняў».
Святочную начную літургію традыцыйна аздобіў прыгожым спевам хор «Залатая Горка» пад кіраўніцтвам Святланы Шэйпы з мінскай парафіі Найсвяцейшай Тройцы (святога Роха). Парадак падчас цэлебрацыі забяспечвалі беларускія каталіцкія скаўты.
Напрыканцы Імшы арцыбіскуп Юзаф Станеўскі павіншаваў прысутных на цэлебрацыі архімандрыта Гаека і ксяндза прэлата Уладзіслава Завальнюка з 50-годдзем святарства, якое яны сёлета адзначылі.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары
чаму так упарта баніця майго (!) Индееца ?