Амерыканскі прэзідэнт ладзіў у Каліфорніі мерапрыемства ў рамках перадвыбарнай кампаніі, на якім спонсары вылучалі грошы для яго перадвыбарчага штаба. З-за яго Байдэн прапусціў мірны саміт па Украіне ў Швейцарыі.
На відэароліку бачна, што прэзідэнт ЗША пасля завяршэння мерапрыемства ў Лос-Анджэлесе, якое праводзілася для спонсараў выбарчай кампаніі, выйшаў на сцэну для развітання.
Амерыканскі лідар спачатку падняў правую руку і памахаў прысутным, затым ён коратка паапладзіраваў і застыў на нейкі час на месцы.
Барак Абама, які ўжо ішоў за кулісы, вярнуўся, узяў Джо Байдэна за руку і адвёў са сцэны.
Мерапрыемства з удзелам такіх амерыканскіх зорак, як Джордж Клуні і Джулія Робертс, дазволіла сабраць для выбарчага штаба дзейнага прэзідэнта 30 мільёнаў даляраў.
Чарговыя прэзідэнцкія выбары запланаваныя ў ЗША на 5 лістапада. 20 лістапада Байдэну споўніцца 82 гады, яго асноўнаму канкурэнту Дональду Трампу 14 чэрвеня споўнілася 78.
Трамп быў прэзідэнтам ЗША са студзеня 2017 па студзень 2021 года.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары