Мужчына выкраў каштоўнасці з царквы на вуліцы Лілі Карастаянавай у Мінску і спрабаваў здаць іх у ламбард, паведамляе прэс-служба Следчага камітэта.
Скрыншот з відэа
Днём 10 чэрвеня невядомы забег у храм, разбіў рамку абраза, выкраў ахвяраванні вернікаў — залатыя і срэбраныя ланцужкі, крыжыкі, завушніцы і кулоны, — і схаваўся.
Неўзабаве злодзея затрымалі. Ім аказаўся 23-гадовы мінчук, якога яшчэ да таго неаднаразова судзілі.
Было ўстаноўлена, што да царквы хлопец прыехаў на таксі, а пасля здзейсненага там спрабаваў здаць скрадзенае ў ламбард.
Супраць мужчыны заведзена крымінальная справа за па абвінавачанні ў рабаванні. Частка выкрадзенага канфіскаваная.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары