Ён павінен аб'яднаць усе вайскова-патрыятычныя клубы, праўладных дзеячаў і бізнэсоўцаў.
Фонд аб'яднаў усе існуючыя вайскова-патрыятычныя клубы — такіх цяпер 18 (а гэта 2000 хлопчыкаў і дзяўчатак) — па ўсёй краіне.
Галоўная ідэя фонду — аказанне бясплатнай дапамогі клубам, якія займаюцца выхаваннем «юных патрыётаў», а таксама развіццё праўладнага патрыятычнага руху сярод моладзі і прыцягненне для гэтага ў тым ліку спонсарскай дапамогі.
У склад апякунскай рады фонду ўвайшлі прадстаўнікі ўсіх зацікаўленых ведамстваў, праўладныя дзеячы, работнікі праўладных СМІ і прадпрымальнікі — усяго 13 чалавек.
Гэты склад можа папаўняцца. Фонд таксама будзе арганізоўваць і ўдзельнічаць у правядзенні дадатковых дабрачынных акцый, семінараў, конкурсаў, сустрэч, выстаў і іншых асветніцкіх і спартыўных мерапрыемстваў для выхаванцаў клубаў.
Урачыстае адкрыццё прайшло ўчора ў в/ч 3214. Дзеці паказвалі, чаму навучыліся: зборцы і разборцы аўтамата, стральбе з розных відаў зброі, рукапашным баі, кіраванні беспілотнікамі і FPV-дронамі і іншаму.
«Нашыя выхаванцы паспяхова асвойваюць вайсковую навуку. Ужо ёсць першыя выпускнікі і тыя, хто паступіў у ведамасныя навучальныя ўстановы або пайшлі служыць па кантракце», — распавёў Карпянкоў прэс-службе ўнутраных войскаў.
Як растлумачыў Карпянкоў, фонд патрэбны для папулярызацыі і развіцця вайскова-патрыятычнага руху.
Дырэктарка фонду Ала Веруш называе галоўнай задачай фонду — «не страціць пакаленне маладых беларусаў». Яна запэўнівае, што «Маладая гвардыя» будзе дапамагаць выхаванцам клуба і іх сем'ям.
Фонд зарэгістравалі 3 мая па адрасе Нацыянальнай бібліятэкі.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары