Дзмітрыеў запісаў першы сторыз пасля вызвалення з турмы — беларускамоўны верш
Сёння палітыку споўнілася 43 гады.
Андрэй Дзмітрыеў упершыню выйшаў у эфір пасля выхаду на волю. У сторыс інстаграма ён зачытаў свой верш:
Мне сорак тры. Прайшоў турму і войска.
Трымаўся годна хай і не заўсёды паводзіў сябе па-геройску.
Маю сям'ю, якую вельмі люблю і ёю ганаруся.
Маю сяброў, за якіх часам баюся, малюся.
З усіх шляхоў абіраў той, што вядзе да мары.
І зараз ім рушу да сонца — праз усе перашкоды і хмары.
Мне сорак тры — гэта проста лічбы і тое, што за спіною.
Галоўнае — не адзін, не зламаны, не стомлены, жывы!
Хай раны — без іх не бывае шляхоў да мары.
Ведаю, што жыццё наперадзе — усё будзе!
Дзякую Богу за ўсё, за тое, якія побач са мною людзі.
Рушым далей, няма часу, каб тут спыняцца.
І на гэтым шляху, каб сабой і людзьмі застацца.
***
Нагадаем, Андрэй Дзмітрыеў прабыў у няволі паўтара года па «народным» 342-м артыкуле. Ён вызваліўся 20 красавіка 2024 года.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары