Летапісец Пуціна патлумачыў значэнне некаторых слоў Лукашэнкі. У іх ён заўважыў адну просьбу
Некаторыя назіранні з апошняй сустрэчы Лукашэнкі і Пуціна запісаў карэспандэнт расійскага «Коммерсанта» Андрэй Калеснікаў.
Нагадаем, тады Лукашэнка заявіў:
«Расіі цяпер патрэбная такая Беларусь! Мірная, ціхая, спакойная, якая робіць сваю справу!».
Ён таксама казаў:
«Хочуць уцягнуць нас у вайну з Украінай. Што адбудзецца? Вы ведаеце: 1000 км — фронт на расійска-ўкраінскай мяжы. 1500 км — наша мяжа з Украінай. І на прыбалтыйска-польскім кірунку — яшчэ 1500. 3000 км! Ці зможам мы гэта зрабіць [закрыць яе?]? Не зможам! Не змо-жам! Гэта я вам кажу!
«Я так і бачыў, як ён кажа менавіта гэта Уладзіміру Пуціну, тлумачачы, чаму Беларусь не павінна ўдзельнічаць у гэтай вайне. Дакладней, як яны гэта абмяркоўваюць,
— піша Калеснікаў. —
Ён меў на ўвазе, праўда, мабыць, чамусьці ўжо паўнавартасную вайну з НАТА, а наўрад ці менавіта пра гэта трэба было цяпер казаць.
Але ён увязваў, каб паказаць: не, Беларусь не павінна ўдзельнічаць у баявых дзеяннях. Інакш абрынецца адразу ўсё».
Лукашэнка казаў журналістам:
«Мы хочам сабе праблем? Не хочам! Заўтра «Іскандэр» паставім … Я не кажу пра ядзерную боегалоўку… Ды прасцей за ўсё так ваяваць!..»
Калеснікаў пакпіў: «Аляксандр Лукашэнка то-бок яшчэ і паспяваў бразгаць расійскай зброяй у Беларусі. Гэта ўсё ж такі вялікі чалавек».
Цяпер чытаюць
Крык душы Жыгара пра групу Кавалеўскага: Гучаць заявы, што Лукашэнка легітымны прэзідэнт, хоць і не абраны дэмакратычна30
Каментары