Грамадства11

«Эканомія павінна быць адэкватнай». Беларус падзяліўся, як найлепей ашчаджаць на бонусных праграмах і зніжках

Не ўсе гатовыя траціць час на вывучэнне акцый і зніжак пры пакупках. А дарма! Міхаіл, герой матэрыялу Myfin.by, упэўнены, што з дапамогай пісьменнага выкарыстання праграм лаяльнасці і бонусных прапаноў можна сапраўды нядрэнна эканоміць. Што значыць быць «разумна ашчадным чалавекам»? І як атрымаць максімум з даступных спецпрапаноў на рынку?

«Лічу сябе разумна эканомным»

Міхаілу 32 гады, ён працуе спецыялістам па продажах запчастак і абслугоўвання для будаўнічых пад'ёмнікаў. Малады чалавек называе сябе «разумна ашчадным». Ён гатовы выдаткаваць трохі часу, каб знайсці выгадную прапанову. Але пры гэтым імкнецца абыходзіцца «без фанатызму ў капеечных пытаннях».

«Я магу патраціць грошы на нешта неабходнае, але агулам грашыма смеціць вельмі не люблю. Цалкам нармальна адчуваю сябе, напрыклад, у вопратцы, якую купіў у second hand. Не бачу праблем браць нешта патрэбнае на анлайн-барахолцы, калі рэч у добрым стане і па добрай цане. Магу нават патаргавацца, але без фанатызму.

Кожны раз, калі мне нешта трэба, я параўноўваю цэны, правяраю некалькі прапаноў і акцый і толькі потым раблю канчатковы выбар. Але пры гэтым я і не апантаны пагоняй за кожнай капейкай. Напрыклад, калі можна купіць нешта за 100 рублёў, але ў іншым канцы Мінска, а ў канкурэнтаў будзе за 105 рублёў, але проста каля дома, то я нават не стану марнаваць час на паездку. Эканомія павінна быць адэкватнай.

Са свежых прыкладаў: пару дзён таму я вымушаны быў лячыць зубы. За аперацыю пад мікраскопам у Мінску з мяне папрасілі 1400 руб. Я паехаў у Ракаў — там зрабілі не горш, але за 800. Вось гэта разумная эканомія!»

У сярэднім Міхаіл можа ашчадзіць у месяц да некалькіх сотняў рублёў дзякуючы пісьменнаму выкарыстанню розных спецпрапаноў і праграм лаяльнасці.

«Калі трэба будзе буйная купля, я заўсёды старанна падыходжу да аналізу прапаноў. Напрыклад, часам на адну і тую ж мадэль тэхнікі цана можа адрознівацца на 100-150 руб. Але калі ў мяне ёсць карта з назапашвальнай зніжкай у 15%, то, магчыма, больш выгадна набыць у гэтага прадаўца».

Акрамя буйных пакупак, малады чалавек прывык ашчаджаць і на штодзённым спажыванні. У яго ёсць некалькі бонусных картаў буйных сетак супермаркетаў у кашальку. У кожнай — свае перавагі.

«Я не абыходжу ўсе крамы ў пошуках самых танных тавараў. Але дакладна ведаю, што ў адной краме ў мяне назапасіліся бонусы, якія можна выдаткаваць, у іншай ёсць зніжкавыя пазіцыі па карце, а ў трэцяй — наогул акцыя «2 па цане 1» для ўдзельнікаў праграмы лаяльнасці».

Міхаіл прызнаецца, што ў яго нямала падпісак на акцыі і зніжкі ад розных кампаній. Фізічных картаў у Міхаіла няшмат. Паводле яго слоў, цяпер часцей за ўсё ўсе акцыі і зніжкі прывязваюцца да акаўнта, які ствараецца на пляцоўцы пры рэгістрацыі.

«Некаторыя праграмы сапраўды дапамагаюць ашчадзіць грошы. Ёсць кампаніі, якія разумна будуюць свой маркетынг і разумеюць, што праграма лаяльнасці павінна быць не для птушачкі, а рэальна працоўнай. Інакш сэнсу ў ёй ніякага.

Але, шчыра кажучы, некаторыя прапановы на рынку па сваёй сутнасці — проста рэкламнае смецце. Таму важна навучыцца адрозніваць «купі мяне, купі» ад сапраўды вартых і каштоўных праграм з бонусамі і зніжкамі».

«Якія праграмы працуюць, а якія — пшык»

«Як зразумець, што прапанова па акцыі або праграме лаяльнасці сапраўды выгадная? За секунду — ніяк. Калі часта звяртаеш увагу на нейкія тавары, то з часам пачынаеш прыкладна арыентавацца ў цэнах. І тады разумееш, якія праграмы працуюць, а якія — пшык. У кожным разе заўсёды варта прагледзець пару варыянтаў ад канкурэнтаў / на гандлёвых пляцоўках, каб зразумець, ці ёсць выгады ад спецпрапановы».

15 карысных парад ад Міхаіла, каб эканоміць на акцыях і праграмах лаяльнасці:

  • Зарэгіструйцеся ў праграмах лаяльнасці крам і пляцовак, якія вы часта наведваеце, дзе звычайна купляеце. Большасць з такіх праграм бясплатныя і могуць прыносіць профіт.

  • Карыстайцеся крэдытнымі картамі з кэшбэкам або бонусамі за пакупкі.

  • Сачыце за акцыямі і зніжкамі ў дадатках кампаній і крам, падпішыцеся на рассылку або ўключыце паведамленні. Часам там можна знайсці рэальна выгадныя прапановы. Каб не надакучвала — з часам пакідайце толькі тыя праграмы, якія рэальна карыстаецеся.

  • Выкарыстоўвайце дадаткі або сэрвісы для параўнання цэн. Яны дапамогуць знайсці найлепшыя прапановы на патрэбныя вам тавары.
  • Купляйце тавары ў пэўныя дні тыдня, калі праводзяцца спецыяльныя распродажы.

  • Пераглядайце свой кашалёк з карткамі і выкідайце тыя, якія больш не прыносяць вам нічога карыснага. Заадно ўспомніце і пра рэальна карысныя.

  • Калі ёсць магчымасць, карыстайцеся групавымі пакупкамі (напрыклад, з сябрамі або калегамі). Чым больш людзей, тым вышэйшая зніжка.

  • Выкарыстоўвайце купоны і промакоды. Іх часам можна нагугліць у інтэрнэце або «замовіць» на спецыяльных сайтах — агрэгатарах зніжак.

  • Разглядайце магчымасць абмену старых рэчаў на зніжкі пры куплі новых — праграмы trade-in. Некаторыя крамы прапануюць такую паслугу.

  • Карыстайцеся зніжкамі для студэнтаў, пенсіянераў і іншых спецыяльных груп. Гэта часта забываецца, але можа зрабіць пакупкі нашмат больш выгаднымі.

  • Удзельнічайце ў праграме рэферальных бонусаў. Калі вы запросіце сябра, вы абодва можаце атрымаць зніжку або бонус.

  • Рэгіструйцеся на форумах або заглядайце ў розныя суполкі і абмяркоўвайце з іншымі людзьмі, якія зніжкі і акцыі яны выкарыстоўваюць. Магчыма, вы даведаецеся нешта новае і карыснае.

  • Буйныя пакупкі, калі час церпіць, можна адкласці да дня нараджэння — тады большасць праграм прапануюць дадатковыя бонусы або падарункі.

  • Не забывайцеся параўноўваць цэны. Нават калі ў вас ёсць зніжка, гэта не азначае, што гэта найлепшая цана на рынку.

  • Атрымлівайце задавальненне ад пакупак і сэрвісу, інакш навошта ўсё гэта?

Каментары1

  • паг
    19.03.2024
    Відаць, спецыяліст па продажы нечага там мае зашмат часу.

Цяпер чытаюць

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране1

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране

Усе навіны →
Усе навіны

Праз некалькі тыдняў пасля сутак у ІЧУ памерла 66-гадовая жанчына з анкалогіяй. Яе затрымалі па вяртанні ў Беларусь8

У Маладзечне 13-гадовая дзяўчынка закахалася ў 16-гадовага старшакласніка. Усё скончылася сумна14

Самалёт з Мінска ў Дубай экстранна сеў у Баку

Ізраільскія СМІ: ядзерны рэактар у іранскім Натанзе знішчаны дашчэнту12

Каму з беларускіх дзяцей нельга вучыцца за мяжой? Мінадукацыі пракаментавала нашумелы закон3

Прапагандыст Ігар Тур вырашыў перасяліцца бліжэй да Астрашыцкага Гарадка20

Ціханоўская пра кейс Мельнікавай: Сітуацыя страшная32

У Польшчы затрымалі афганца, які думаў, што ён у Парыжы. Так яму сказаў праваднік, што суправаджаў ад мяжы Беларусі3

Якія часы, такія і прэзенты: у беларускіх аптэках можна набыць падарункавыя сертыфікаты1

больш чытаных навін
больш лайканых навін

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране1

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране

Галоўнае
Усе навіны →

Заўвага:

 

 

 

 

Закрыць Паведаміць