Вядомыя брэнды бытавой тэхнікі сталі блакаваць паралельны імпарт у Расію
Адразу некалькі буйных замежных кампаній, якія займаюцца вытворчасцю бытавой тэхнікі, пачалі актыўна блакаваць паралельны імпарт сваёй прадукцыі ў Расію. Пастаўшчыкам, якія парушылі забарону на рээкспарт, пагражае разрыў кантрактаў.
Як паведамляе газета «Коммерсант» са спасылкай на ўласныя крыніцы, цэлы шэраг замежных вытворцаў бытавой тэхнікі пачаў блакаваць пастаўкі сваёй прадукцыі ў Расію па каналах паралельнага імпарту.
Спробы спыніць паралельны імпарт у Расію сваёй прадукцыі, паводле інфармацыі выдання, сталі рабіць такія кампаніі, як Electrolux (брэнды Electrolux, Zanussi, AEG), Tefal, Braun і Rowenta — гэта пацвярджаюць у расійскім рытэйл-сегменце.
Пры гэтым прадстаўнікі мясцовых рытэйлераў заявілі, што намаганні замежных кампаній па забароне продажаў сваёй тэхнікі ў Расіі распаўсюджваюцца і на сегмент маркетплэйсаў.
Сярод мер, якія ўжываюцца замежнымі брэндамі, называюць заключэнне з іх замежнымі партнёрамі асаблівых дамоў, згодна з якімі апошнія абавязваюцца выконваць забарону на рээкспарт прадукцыі ў Расію, а пры невыкананні ўмоў вытворцы разрываюць з парушальнікамі кантракты.
На думку апытаных газетай экспертаў, з-за такіх абмежаванняў брэнды, якія за гэта ўсё сур'ёзна ўзяліся, могуць цалкам знікнуць з расійскага рынку, а іх месца хутчэй за ўсё зоймуць тавары з Кітая і Турцыі.
«Якія, бл…дзь, шэрыя схемы?!» Як беларусы ганяюць у Расію люксавыя еўрапейскія аўто ў абыход санкцый
Дзмітрый Круты распавёў, якія абмежаванні на расійскім рынку хочуць ліквідаваць беларускія ўлады для сваіх вытворцаў
З расійскага рынку можа знікнуць бытавая тэхніка вядомых замежных брэндаў
Турцыя раптоўна спыніла транзіт санкцыйных грузаў у Расію. Мытная сістэма блакуе іх афармленне
Каментары