Мінскі саюз прадпрымальнікаў і працадаўцаў заявіў пра крытычны дэфіцыт кадраў у беларускім гандлі, паведамляе Sputnik.
Па словах сустаршыні Мінскага сталічнага саюза прадпрымальнікаў і працадаўцаў Віктара Маргелава, прычынай недахопу прадаўцоў з'яўляецца памяншэнне насельніцтва ў краіне. Ён заўважыў, што згаданая праблема існуе і ў іншых еўрапейскіх краінах, аднак у Беларусі адбываецца яшчэ і адток насельніцтва. У прыватнасці, з сельскай мясцовасці і малых гарадоў.
Маргелаў падкрэсліў, што ў рэтэйле назіраецца вялікі дэфіцыт кадраў. Маргелаў растлумачыў, што ёсць праблема таксама і з узроўнем заробкаў, асабліва ў сельскай мясцовасці, яны там надта адстаюць ад буйных гарадоў і ад прапаноў суседніх краін. Таму немалая колькасць супрацоўнікаў з'язджаюць на працу, напрыклад, у Маскву і Падмаскоўе.
«У нас у рэгіёнах прадаўцы сёння атрымліваюць 700-800 рублёў. У сельскай мясцовасці ўсё яшчэ складаней…», — падкрэсліў Маргелаў.
Чытайце таксама:
Дачка «Еўраопта» ператварылася ў маркетплэйс
Абралі кіраўніка Белкаапсаюза. Прызначэнне ўзгаднілі з Лукашэнкам
«Юрка. Яйкі, хлеб, малако, каўбаса — 37 руб». Чаму ў беларускіх вёсках квітнее гандаль «на вэксаль»?
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары