Спявачка адказала Міхайлаву, які заявіў, што артысты, якія з'ехалі, «яшчэ прыпаўзуць на каленях» прасіць прабачэння ў Расіі.
Спявак Стас Міхайлаў 3 сакавіка заявіў, што «не ведае, якую песню выпусціла Ала Барысаўна». Ён адзначыў, што Расія «зрабіла значнымі і вядомымі людзьмі» тых, хто «ў адрас нашай краіны гаворыць нейкія непрыемныя рэчы».
«Як толькі яны перастануць гэта разумець, іх не будзе як асоб. Па-другое, простая рэч: яны на каленях усё яшчэ прыпаўзуць і будуць стаяць у Расіі і цалаваць ногі», — сказаў ён.
«Стасік, што гэта з табой? Гэта я, безгалосая спявачка старэнькая Ала Пугачова, — знарок кажа прыма расійскай сцэны загробным голасам. — Ды я б устала перад табой на калені, ды ногі не тыя. Чаго ты забаяўся? Не збіраюцца нармальныя людзі вяртацца туды [у Расію], а ты шуруй, зарабляй пакуль можаш. Скажу, што думаю».
«Што я магу сказаць? М***к ты, Стасік!», — засмяялася спявачка нармальным голасам пры канцы роліка.
На мінулым тыдні Ала Пугачова апублікавала допіс, які палічылі прысвечаны Аляксею Навальнаму.
«Першая нядзеля вясны. Свята жоўтых кветак. Не здавайцеся! Не падайце духам! Мір вашаму дому», — напісала яна.
«Не здавайцеся», — так адказаў Аляксей Навальны на пытанне, якія б словы ён пакінуў расіянам на выпадак, калі яго заб’юць.
***
Ала Пугачова з дзецьмі пакінула Расію ўвосень 2022 года, калі яе мужа Максіма Галкіна ўнеслі ў рэестр замежных агентаў. Пасля гэтага Ала Пугачова папрасіла дадаць яе ў шэрагі «замежных агентаў» услед за мужам.
Яна напісала, што салідарная з ім, у прыватнасці, у тым, што ён жадае спынення «гібелі нашых хлопцаў за ілюзорныя мэты, якія робяць нашу краіну ізгоем і ўскладняюць жыццё нашым грамадзянам».
Пугачова прыязджала ў маі 2023 года ў Маскву на пахаванне свайго сябра, дызайнера яе сцэнічных касцюмаў, мадэльера Валянціна Юдашкіна, але потым пакінула Расію.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях7
Каментары