Грамадства11

Кіраўніка секты «РПЦ Царская імперыя» Засіму-Уласава арыштавалі ў Расіі. Затрыманні былі і ў Беларусі

Супраць Леаніда Уласава, былога зэка, які аб'явіў сябе царом і прарокам, і некалькіх ягоных паплечнікаў завялі крымінальныя справы. 

Засіме-Уласаву зачытваюць, чаму ў яго адбываецца ператрус. Фота: Следчы камітэт РФ

Мы распавядалі, што з Расіі ў Беларусь пратачылася секта «царабожнікаў», якія прызнаюць за цара і прарока былога зняволенага за разбой і даўняга адэпта альтэрнатыўнага праваслаўя Леаніда Уласава, які называе сябе Засімам. Таксама яны спальваюць дакументы, адмаўляюцца ад медыцыны і прызнаюць Пуціна антыхрыстам.

Яны маюць два «філіялы» ў Беларусі: каля вёскі Кайкі Гарадоцкага раёна і недзе паміж Скідзелем і Мастамі. У апошняга прыхода ёсць нават уласны «епіскап» Сілуан.

Аблава на секту Засімы-Уласава адбылася ноччу з 15 па 16 лютага. Затрыманне было жорсткім — на відэа сілавікі ламаюць агароджы, кладуць усіх тварам у падлогу і зашпільваюць кайданкі. Ператрус доўжыўся некалькі гадзінаў, праводзілі яго супрацоўнікі ФСБ, расійскага Следчага камітэта і САХР. Па ўсёй Расіі затрымалі некалькі дзясяткаў чалавек больш чым па 40 адрасах.

Кадры аблавы на «засімаўцаў»

Вядома, што зацікавіліся сектай і ў Беларусі. У канале пісалі, што «епіскапа» Сілуана, які жыве на Гродзеншчыне, затрымлівалі і канфіскавалі ў яго тэлефон. А нядаўна канал РПЦ Царскай імперыі і частка ягоных філіялаў былі выдаленыя з тэлеграма.

Цяпер Леанід «Засіма» Уласаў змешчаны ў СІЗА. З ім у СІЗА таксама трое паплечнікаў: Аляксандр Кармішэнка, які называе сябе прарокам Енохам, Марына Пацёміна і ўкраінец Мікіта Шостак. Іх вінавацяць па ч. 2 і ч. 3 артыкула 239 КК РФ — «стварэнне арганізацыі, што замахваецца на правы і свабоды грамадзян». За гэта ім пагражае да шасці гадоў турмы.

Леанід Уласаў у судзе. Фота: 73online.ru

Наколькі вядома, беларускія «філіялы» секты РПЦ Царская імперыя пакуль працуюць.

@nashanivanews У Мінску аблава на адвакатаў. Прыходзілі да 10 чалавек. Наколькі вядома, рэйд зладзіў КДБ #адвокат #минсксейчас #минск #беларусь #беларусьновости #новостибеларуси #нашаніва #беларускітыкток #вминске ♬ Paris - Else

«Наша Нiва» — бастыён беларушчыны

ПАДТРЫМАЦЬ

Каментары1

  • Хмм
    22.02.2024
    Такая вот оппозиция, новые желающие на роль царя против царя

Цяпер чытаюць

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі6

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Усе навіны →
Усе навіны

У Віцебску двухгадовы хлопчык упаў з дзясятага паверха

Паліна з Салігорска набрала 400 балаў на экзаменах. Вось куды яна будзе паступаць7

У Кіраўску брат забіў сястру, хочучы абараніць яе ад мужчын са сваіх галюцынацый

На Заслаўскім замку спрабуюць раскрыць таямніцу падземнага ходу2

Іран прыпыніў здабычу газу на найбуйнейшым у свеце радовішчы

Пасля разносу Лукашэнкі «Беларусьфільм» бярэцца ствараць «лінейку сваіх серыялаў»5

«Гэта не самы прывабны варыянт». Што думаюць беларусы пра ўвядзенне Грузіяй трохгадовага ДНЖ для айцішнікаў3

Трамп не збіраецца падпісваць заяву G7 па пытанні ізраільска-іранскага канфлікту

Чаму расіяне аддалі ўкраінцам целы забітых, а тыя — не?9

больш чытаных навін
больш лайканых навін

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі6

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Галоўнае
Усе навіны →

Заўвага:

 

 

 

 

Закрыць Паведаміць