У Мінску заўзятара затрымалі за «пікетаванне» на выхадзе з хакейнага матчу
Згодна з пратаколам, мужчына быў затрыманы ў сярэдзіне студзеня каля 22.00 на тэрыторыі, прылеглай да комплексу «Мінск-Арэна», бо прыняў удзел «у несанкцыянаваным пікетаванні без адпаведнага дазволу Мінгарвыканкама, з мэтай публічнага выказвання сваіх грамадска-палітычных настрояў, падчас якога выкрыкваў лозунг ** *» (што за лозунг, не раскрываецца).
На судзе мінчук пацвердзіў, што пасля хакейнага матча выгукнуў лозунг, знаходзячыся на вуліцы ля «Мінск-Арэны». Ён цалкам прызнаў віну і «раскаяўся». У якасці сведкі яго дзеянняў выступіў міліцыянер, піша «Вясна».
Мужчыну прызналі вінаватым у парушэнні ч. 1 арт. 24.23 КаАП (парадак правядзення масавых мерапрыемстваў) і адправілі пад адміністрацыйны арышт на 13 сутак.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары