Пасля ўдару па Кіеве двое дзяцей правялі больш за 5 гадзін у ахопленай дымам і полымем кватэры
Калі дом 14-гадовага Данілы трапіў пад абстрэл, яго маці і бацька ўжо выйшлі на працу.
Хлопчык з 10-гадовым стрыечным братам і цёткай яшчэ спалі — была самая раніца, калі прагрымеў магутны выбух, распавядае гісторыю «Бі-бі-сі — Украіна» са спасылкай на UNICEF.
«Было полымя і дым, сястра вельмі напалохалася. Мы адразу пачалі тушыць полымя вадой, я надыхаўся дыму», — успамінае пасля эвакуацыі Даніла.
Ратавальнікі змаглі дабрацца да яго кватэры ўжо ўдзень, калі полымя было лакалізавана. Увесь гэты час маці Данілы і яго сябры, затаіўшы дыханне, чакалі ў двары дома.
«Я была ў метро, калі прагрымелі выбухі, ішла на працу, а дзеці былі з сястрой. Яны не пацярпелі, але вельмі напалоханыя. Кватэра разбітая, моцна задымлена», — расказала маці хлопчыка Таццяна.
Маці стаяла пад домам, размаўляла з сынам па тэлефоне і лічыла хвіліны да яго выратавання.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі6
Каментары