Такер Карлсан абвясціў, што яго інтэрв'ю з Пуціным выйдзе ў ноч на 9 лютага па маскоўскім часе. Раней WSJ пісала, што ён апублікуе інтэрв'ю 8 лютага.
Інтэрв'ю з прэзідэнтам Расіі Уладзімірам Пуціным будзе апублікавана ў 2:00 9 лютага па Маскве (супадае з мінскім часам), паведаміў амерыканскі тэлевядоўца ў сваім інстаграме.
«Такер бярэ інтэрв'ю ў прэзідэнта Расіі Уладзіміра Пуціна. Выйдзе заўтра ў 18:00 па ўсходнім часе», — падпісаў ён публікацыю.
Інтэрв'ю выйдзе на яго сайце. Раней The Wall Street Journal пісала, што яно будзе апублікавана 8 лютага.
Карлсан прыляцеў у Маскву 1 лютага. Пазней ён апублікаваў відэапаведамленне, у якім абвясціў, што мае намер узяць інтэрв'ю ў Пуціна. Ён патлумачыў гэтае рашэнне тым, што амерыканцы «не маюць уяўлення» пра тое, што адбываецца ў Расіі і ва Украіне. Са слоў тэлевядоўцы, заходнія СМІ з лютага 2022 года «не патурбаваліся» ўзяць інтэрв'ю ў расійскага прэзідэнта, піша РБК.
Скандальны журналіст Такер Карлсан прыляцеў у Маскву, каб узяць інтэрв'ю ў Пуціна
Пяскоў пацвердзіў, што журналіст Такер Карлсан узяў інтэрв'ю ў Пуціна
«Супрацоўнікі канала выдатна ведалі, што ніхто выбары не фальсіфікаваў, але вырашылі казаць адваротнае». Чаму амерыканскі «пакутнік» мала чым адрозніваецца ад зорак БТ
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай34
Каментары