Украінскія вайскоўцы абверглі абстрэл Данецка, у часе якога загінулі 27 чалавек
УСУ заявілі, што не маюць дачынення да абстрэлу рынку ў мікрараёне «Тэкстыльшчыкі» самаабвешчанай «ДНР».
«Адказна заяўляем, што сілы, якія знаходзяцца ў падпарадкаванні групоўкі «Таўрыя», у гэтым выпадку баявой працы сродкамі знішчэння не вялі».
Аператыўна-стратэгічная групоўка войскаў «Таўрыя» адказвае за ваенныя дзеянні на ўсходнім фронце», — гаворыцца ў заяве.
Колькасць загінулых у выніку абстрэлу рынку вырасла да 27 чалавек, заявіў раней кіраўнік самаабвешчанай рэспублікі Дзяніс Пушылін. Паводле яго слоў, у бальніцы паступіла 25 пацярпелых, 18 былі шпіталізаваны.
Імаверна гэта быў самы кровапралітны ўдар па Данецку пачынаючы з 2014 года. 22 студзеня аб'яўлены ў «ДНР» днём жалобы, паведамляе тэлеканал «Дождь».
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай30
Каментары