Злодзей у абкрадзенай хаце пераабуўся ў новыя чаравікі, а свае стаптаныя пакінуў. Так яго і знайшлі
У адной з вёсак Талачынскага раёна абакралі хату, якую жыхар Талачына выкарыстоўваў як лецішча. З яе зніклі адзенне, абутак і прадукты. Высветлілася, што злодзей пралез у хату і выйшаў з яе праз акно, выставіўшы шкло.
Падчас агляду памяшкання гаспадар звярнуў увагу на чужы абутак у адным з пакояў. Як аказалася, злодзей пераабуўся ў ўпадабаную ім пару абутку, а свае старыя чаравікі пакінуў.
Гэты абутак канфіскавалі і накіравалі на судовую генетычную экспертызу. З біялагічнага матэрыялу, які быў на левым чаравіку, удалося вылучыць генатып неўстаноўленага мужчыны.
Праз некалькі дзён міліцыянты выйшлі на жыхара Талачынскага раёна 1966 года нараджэння. Пры правядзенні дадатковай генетычнай экспертызы было ўстаноўлена супадзенне яго ДНК з генатыпам, выяўленым на чаравіку, канфіскаваным з месца крадзяжу. Такім чынам, судовыя эксперты пацвердзілі дачыненне мужчыны да здзяйснення крадзяжу.
Аказалася, што затрыманы рабіў крадзяжы не толькі ў Талачынскім, але і ў суседнім Крупскім раёне.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары