Прэзідэнт Швейцарыі пакінуў пасаду, запісаўшы на развітанне смешнае ВІДЭА
31 снежня стаў апошнім днём на пасадзе для прэзідэнта Швейцарыі Алена Берсэ. Свой адыход ён аформіў з гумарам, запісаўшы невялічкі ролік і выставіўшы яго ў сацсетцы X.
51-гадовы Ален Берсэ займаў пасаду прэзідэнта Швейцарыі ўсяго год, з 1 студзеня па 31 снежня 2023-га. Гэта асаблівасць швейцарскай палітычнай сістэмы: прэзідэнт там не абіраецца на нейкі працяглы тэрмін і не з'яўляецца кіраўніком дзяржавы ў звычайным разуменні.
Кіраўнік дзяржавы ў Швейцарскай Канфедэрацыі калектыўны — гэта Федэральная рада, якая складаецца з сямі чалавек. Кожны з іх адказвае за пэўны кірунак працы і ўзначальвае адпаведны дэпартамент-міністэрства. З ліку гэтых сямі чалавек якраз штогод і абіраецца прэзідэнт, але ў яго няма ніякіх асаблівых дадатковых паўнамоцтваў, ён толькі «першы сярод роўных».
Ален Берсэ ўваходзіў у Федэральную раду Швейцарыі з 2012 года, узначальваючы там Дэпартамент унутраных спраў. Прэзідэнтам ён адзін раз ужо быў і раней — у 2018 годзе. А цяпер прыняў рашэнне пакінуць не толькі гэтую сімвалічную пасаду, але і ўвогуле выйсці з Федэральнай рады. Перадусім гэтай падзеі і прысвечаны ягоны развітальны ролік.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары
Альбо на троне сядзець, альбо проста сядзець.