17 снежня на дзевяці беларускіх метэастанцыях зафіксаваныя тэмпературныя рэкорды
Дзевяць тэмпературных рэкордаў зафіксавана на беларускіх метэастанцыях днём 17 снежня, сведчыць праведзены выданнем «Позірк» параўнальны аналіз аператыўных і архіўных даных Белгідрамета. Усе новыя максімумы адзначаны ў заходняй частцы краіны.
У Івацэвічах паветра прагрэлася да 7,1 градуса цяпла (ранейшы лакальны максімум — 7 градусаў у 2019 годзе), у Баранавічах — да 6,6 (5,7 у 2019-м), Лідзе — таксама да 6,6 (5,4 у 2006-м), Наваградку — да 5,6 (5,1 у 1989-м), Стоўбцах — да 5,3 (5,2 у 2019-м).
Перапісаныя экстрэмумы ў Лынтупах — 5,2 (4,6 у 2019 годзе), Нарачы — 5,2 (4,9 у 2019-м), Ашмянах — 4,9 (4,5 у 2006-м), Валожыне — 4,8 (4,6 у 2019-м).
Паўтораныя рэкорды дня ў Мінску — 5,1 градуса вышэй за нуль (столькі ж 17 снежня 1972 года) і Пружанах — 7,4 (1989).
Цяплей за ўсё мінулым днём было ў Пінску — 7,5 градуса (без рэкорду).
Абсалютны максімум для ўсёй тэрыторыі краіны трымаецца з 1989 года (11 градусаў у Брэсце).
У найбліжэйшыя дні цёплае надвор'е захаваецца.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ1
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары