Турэцкі дэпутат страціў прытомнасць проста падчас выступлення з парламенцкай трыбуны
53-гадовы дэпутат турэцкага парламента Хасан Бітмез страціў прытомнасць і паваліўся на зямлю, прамаўляючы сваю прамову аб бюджэце Міністэрства замежных спраў на генеральнай асамблеі Вялікага нацыянальнага сходу Турцыі, паведамляе Турэцкая служба Бі-бі-сі.
Першую дапамогу Бітмезу, які моцна стукнуўся галавой аб зямлю, аказвалі каля трыбуны. Намеснік старшыні адной з партый стаў рабіць яму масаж сэрца на месцы, дзе той упаў, а пасля працягваў гэта рабіць у той час, калі хворага выносілі з залы на насілках.
Пасля таго дэпутата даставілі ў бальніцу, дзе яму неадкладна зрабілі ангіяграфію (абследаванне сасудаў), а пасля падключылі да апарата штучнай вентыляцыі лёгкіх і даставілі ў рэанімацыю. Паводле заявы міністра юстыцыі Турцыі, ягоны стан крытычны.
Вядома, што Хасан Бітмез хварэе на дыябет і мае два шунты ў сэрцы. Як палітык ён крытыкаваў палітыку ўрада ў дачыненні да ізраільска-палесцінскай вайны, і гэтаму быў прысвечаны апошні ягоны выпуск, падчас якога здарыўся прыступ.
У чэмпіянаце Турцыі прэзідэнт сталічнага клуба ўдарыў арбітра
У Стамбуле сотні тысяч людзей выйшлі на акцыю ў падтрымку Палесціны. Эрдаган выступіў з прамовай, у якой назваў ізраільскія ўлады «ваеннымі злачынцамі»
Ахоўнік Эрдагана нейтралізаваў асу, якая нахабна села на плячо прэзідэнта падчас выступу ў парламенце
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе8
Каментары